فرسەت سۆفی بە دەنگی 27 ئەندامی ئەنجومەن بە پارێزگاری هەولێر هەڵبژێردرا

- 9/12/2019 10:46:00 AM 3622 جار خوێندراوەتەوە

خەندان-

ئەنجومەنی پارێزگای هەولێر ئەمڕۆ کۆبوەوە و بە دەنگی 27 ئەندامی ئەنجومەن فرسەت سۆفی بە پارێزگاری پارێزگاکە هەڵبژارد.

پەیامنێری خەندان لە هەولێر رایگەیاند، لە کۆلونەوەی ئەمڕۆدا 28 ئەندامی ئەنجومەنی پارێزگای هەولێر ئامادەبون و 27 ئەندامیان دەنگیان بە فرسەت سۆفی، کاندیدی پارتی بۆ پۆستی پارێزگاری هەولێر دا.

فرسەت سۆفی لە دایکبوی ساڵی 1978ەو لە چۆمان، دکتۆرای لە یاسای نێودەوڵەتی هەیە و مامۆستا بوە لە زانکۆی سەڵاحەدین و دوای ئەوەی وادەی پەرلەمانتاری لە خولی رابردودا لە پەرلەمانی کوردستان کۆتایی هات گەڕایەوە سەر کارەکەی.

فرسەت سۆفی یەکێک بو لە ئەندامانی شاندی دانوستارکاری پارتی دیموکراتی کوردستان بۆ گفتوگۆکردن لەگەڵ لایەنەکان بۆ پێکهێنانی کابینەی نوێی حکومەتی هەرێمی کوردستان.



Copyright © 2016 Xendan.org all rights reserved

designed and developed by AVESTA GROUP