جێگری سەرۆکی ئۆپۆزسیۆنی بریتانیا داوای ریفراندۆمی دوەم دەکات بۆ برێکزیت

- 9/11/2019 8:32:00 PM 1490 جار خوێندراوەتەوە

خەندان-

پارتی کرێکاری بریتانیا، داوای بەڕێوەچونی ریفراندۆمی دوەم دەکات بۆ چونەدەرەوەی ئەو وڵاتە لەیەکێتی ئەوروپا"بێرکزیت".

تۆم واتسن، جێگری پارتی کرێکارانی بریتانیا دەڵێت" ئەم پارتە داوای بەرێوەبردنی ریفراندۆمی دوەمی بێرگزیت دەکات، بوریس جۆنسن سەرۆک وەزیرانی بریتانیا، چەندین جار جەختیکردوەتەوە کە 31ـی ئۆکتۆبەری 2019، بریتانیا بەڕێککەوتن و یان بەبێ ڕێککەوتن لە یەکێتی ئەروپا دەکشێتەوە".

لە بەشێکی دیکەی وتەکانیدا، واتسن داوایکرد کە جۆنسن توشی روگیری نەکرێت لە پێداگری" برێکزیت بەرێکەوتن و بێ رێکەوتن" و هاوکات قەیرانی برێکزیت-ی بە قوڵترین قەیرانی بریتنایا وەسف کرد لەدوای جەنگی دوەمی جیهانیەوە.

ناتوانایی لە پرۆسەی چونە دەرەوەی بریتانیا لە یەکێتی ئەوروپا، تا ئێستا  بوەتە هۆی کۆتایی هاتنی کاری دو دەوڵەتی دەیڤد کامێرۆن و تێرزا مەی سەرۆک وەزیرانی پێشوی بریتانیا .

رێکەوتی 4ی ئەم مانگە ئەنجومەنی لۆردانی بریتانیا، گەڵالەیەکیان پەسەند کرد کە  پشتگیری  لە چونە دەرەوەی بریتانیا لە یەکێتی ئەوروپا بە بی ڕێککەوتن لەگەڵ  یەکێتیەکە دەکات  .

خەڵکی بریتانیا، ساڵی 2016  بە بەشداری لە ریفراندۆم  بە زۆرینە  دەنگیاندا بە چونە دەرەوەی ئەو وڵاتە لە یەکێتی ئەورووپا.



Copyright © 2016 Xendan.org all rights reserved

designed and developed by AVESTA GROUP