بەهۆی هۆنگ کۆنگ-ەوە ناکۆکی لەنێوان چین و ئەڵمانیا دروستدەبێت

- 9/11/2019 7:10:00 PM 779 جار خوێندراوەتەوە

خەندان-

باڵیۆزی چین لە بەرلینی پایتەختی ئەڵمانیا، رەخنەی توند لە وەزیری دەرەوەی ئەڵمانیا دەگرێت بەهۆی کۆبونەوەی لەگەڵ چالاکوانێکی هۆنگ کۆنگ.

کێن یو، باڵیۆزی چین لە ئەڵمانیا هێرشی زارەکی توند و نائاسای کردە سەر حکومەتی ئەڵمانیا و وتی" ئێستا چی رویدا، بەداخەوە دەبێت بڵێم کاریگەری خراپی دەبێت لەسەر پەیوەندیە دوقۆڵیەکانی نێوانمان، دەبێت  چین کاردانەوە هەبێت".

لە کاتێکدا ماوەی زیاتر لە مانگێکە، پشێوی لەناوخۆی چیندا بەهۆی خۆپیشاندانە بەردەوامەکانی هۆنگ کۆنگ دروستبوە، دوێنێ شەو وەزیری دەرەوەی ئەڵمانیا پێشوازی لە وۆنگ کرد، کە یەکێکە لە چالاکوانە دیموکراسی خوازەکان و رێکخەرانی خۆپیشاندانەکانی هۆنگ کۆنگ.

پێشوازی هەیکۆ ماس، وەزیری دەرەوەی ئەڵمانیا و کۆبونەوەی لەگەڵ وۆنگ، کاربەدەستانی چینی توڕە کردوە و لەکاردانەوەی ئەوەشدا حکومەتی چین بالیۆزی ئەڵمانیای لە پەکین بانگهێشت کردوە.

هۆنگ کۆنگ، لەدوای ساڵی 1997ەوە لە ژێر هاوکێشەی" یەک وڵات و دو سیستەم" چوەتەوە سەر وڵاتی چینی کۆمۆنیستی، کە پێشتر هەرێمێکی ژێردەستەی ئینگلیزەکان بو، دانیشتوانی هەرێمەکە داخوازی پەیڕەوکردنی سیستەمی دیموکراسی و ئازادیخوازی دەکەن ،ئەوەش بوەتە هۆی نانکۆکی بەردەوامی حکومەتی چینی کۆمۆنیستی و هۆنگکۆنگی دیموکراسیخواز.


Copyright © 2016 Xendan.org all rights reserved

designed and developed by AVESTA GROUP