بەپەلە

ئەردۆغان بۆ سەرۆکشارەوانیەکان: تێڕوانینی سیاسی خۆتان بخەنە لاوە

- 9/11/2019 5:49:00 PM 3332 جار خوێندراوەتەوە

خەندان-

رەجەب تەیب ئەردۆغان، سەرۆککۆماری تورکیا داوا لە سەرۆکشارەوانیەکانی وڵاتەکەی دەکات" تێڕوانینە سیاسیەکانیان بخەنە لاوە ولە بەرژەوەندی تورکیا کار بکەن".

خۆشحاڵم کە سەرۆکشارەوانیەکانمان دەتوانن هێڵێک لەنێوان سیاسەت و تێرۆریزمدا دابنێن

 

ئەمرۆ ئەردۆغان لە کۆشکی سەرۆکایەتی، لەگەڵ سەرجەم سەرۆکشارەوانیەکانی وڵاتەکەی کۆبوەوە و وتی" خۆشحاڵم کە سەرۆکشارەوانیەکانمان دەتوانن هێڵێک لەنێوان سیاسەت و تێرۆریزمدا دابنێن".

دەتوانین لەبەرامبەر ئەو کێشانەدا یەکبگرین کە پەیوەندی بەوڵاتەکەمانەوە هەیە

 

"دەشێت تێڕوانینە سیاسیەکانمان جیاواز بێت، بەڵام دڵنیام دەتوانین لەبەرامبەر ئەو کێشانەدا یەکبگرین کە پەیوەندی بە وڵاتەکەمانەوە هەیە" ئەردۆغان وای وت.

کۆبونەوەی ئەردۆغان لەگەڵ 30سەرۆکشارەوانیەکەی وڵاتەکەی، لەدوای لەسەرکارلابردنی سێ سەرۆكشارەوانی کوردی تورکیا بو، بەپاساوی پاڵپشتیان بۆ تێرۆر.

رێکەوتی 3ی ئەم مانگە، سولەیمان سۆیلو، وەزیری ناوخۆی تورکیا هەڕەشەی توند لە ئەکرەم ئیمامئۆغلو، سەرۆکشارەوانی ئیستانبوڵ دەکات، ئەوەش لەدوای سەردانکردنی سەرۆکشاروانیەکانی وان، ئامەد و ماردین بەهۆی لەسەرکارلابردنیان لەلایەن ئاکەپە و جێگرتنەوەیان لەلایەن کەسانی حزبی هەڵنەبژێردراو، ئیمامئۆغلو  پێی وتن" ئەو کارەی ئاکەپە پێشێلکردنی یاسایە".



Copyright © 2016 Xendan.org all rights reserved

designed and developed by AVESTA GROUP