"دەستوەردان لەکاروباری سێ سەرۆکایەتییەکە هێڵی سورە"
شێخ جه‌عفه‌ر مسته‌فا: له‌گه‌ڵ دروستكردنی ئه‌نجومه‌نێكین بۆ حیزبه‌كان

- 9/11/2019 9:15:00 AM 4539 جار خوێندراوەتەوە

خەندان-

جێگری سه‌رۆكی هه‌رێمی هەرێمی کوردستان رایگەیاند، له‌گه‌ڵ دروستكردنی ئه‌نجومه‌نێكن یان به‌ره‌یه‌كن بۆ حیزبه‌كان، به‌ڵام بێ ده‌ستوه‌ردانه‌ كاروباری داموده‌زگا فه‌رمییه‌كان.

شێخ جه‌عفه‌ر شێخ مسته‌فا، جێگری سه‌رۆكی هەرێمی کوردستان هاوكات ئه‌ندامی مه‌كته‌بی سیاسی یه‌كێتی بە دەنگی ئەمریکا رایگەیاندوە، "لە ڕاستیدا من هیچ زانیارییەکم نیە لەسەر ئەو ئەنجومەنە یان هیچ باسێک کرابێت لە مەکتەبی سیاسی یان سەرکردایەتی یەکێتی، بەڵام هەموان دەزانین کە ئەمڕۆ لە هەرێمی کوردستان سەرۆکایەتی هەرێم، پەرلەمان، هەروەها حکومەت هەیە کە ئەمانە هەموی بە یاسا ڕێکخراوە، هەریەکە کاری خۆی هەیە و لە بواری خۆیدا کاردەکات".
ئەگەر ئەنجومەنێک دروست ببێت کە دەستی حکومەت و پەرلەمان ببەستێت و دەست وەربداتە کاروباری ئه‌و سێ دامەزراوەیە ئەوا بەڕاستی من پێم باش نیە

 

ئاماژەی بەوەشکردوە، "ئەگەر ئەنجومەنێک دروست ببێت کە دەستی حکومەت و پەرلەمان ببەستێت و دەست وەربداتە کاروباری ئه‌و سێ دامەزراوەیە ئەوا بەڕاستی من پێم باش نیە، چونکە هەریەک لەو سێ دامەزراوەیە کاری خۆیان هەیە و سەربەخۆن لەو کارانەی پێیان دراوە، بەڵام خۆ ئەگەر ئەنجومەنێکیش بێت بۆ چارەسەرکردنی کێشە ناوخۆییەکان و یەکڕیزی میللەتەکەمان و ڕوبەڕوبونەوەی ئەو هەڕەشە و گوڕەشانەی لەدەرەوە لە میللەتەکەمان دەکرێت یا کۆدەنگیەک بێت بۆ گەیاندنی دەنگی میلەتەکەمان بەهەموو دنیا من بەو شێوەیە پێم باشە".

لەبارەی سه‌رۆكایه‌تیكردنی ئه‌نجومه‌نه‌كه‌ شێخ جه‌عفه‌ر شێخ مسته‌فا ده‌ڵێت، "کاتێک ئەنجومەنە دروستکرا بۆ سەرۆکایەتی کردنی ئەو ئەنجومەنە دەکەوێتە سەر ئەوەی چۆن و لەسەر کێ ڕێکدەکەون، واتە دەکەوێتە سەر ڕێککەوتنی لایەنەکان".
 دەبێت دەستوەردان لەکاروباری حکومەت و پەرلەمان و سەرۆکایەتی پەرلەمان هێڵێکی سور بێت

 

هەروەها جەختیکردەوە، "هەمو یەکڕیزییەکی ئەم میللەتەم پێباشە جا بەهەر ڕێگایەک هەیە، لەژێر سێبەری هەر ناوێکدا هەیە تەنها ئەوە دەڵێم دەستوەردان لەکاروباری حکومەت و پەرلەمان و سەرۆکایەتی پەرلەمان هێڵێکی سور بێت ئەگەرنا یەکڕیزی لەژێر هەر ناو سێبەرێکدا بێت وە هەرکەس بەرپرسی بێت من پێم باشە".
ئەگەر بڕوانینە ڕابردو کە بەڕه‌حمەت بێت جەنابی مام جەلال لەگەڵ کاک مەسعود لەگۆڕەپانەکەدا بون توانیبویان ڕۆڵێکی باشیان هەبێت لەکۆکردنەوەی هەمو لایەنەکان

 

شێخ جەعفەر شێخ مستەفا باسی لەوەشکرد، "ئەگەر بڕوانینە ڕابردو کە بەڕه‌حمەت بێت جەنابی مام جەلال لەگەڵ کاک مەسعود لەگۆڕەپانەکەدا بون توانیبویان ڕۆڵێکی باشیان هەبێت لەکۆکردنەوەی هەمو لایەنەکان، بەڵام ئەمڕۆ کە جەنابی مام جەلال کۆچی دوایی کردوە هەر جەنابی کاک مەسعود ماوە، جەنابی کاک مەسعود دەتوانێت هەستێت بەو کارە".
 پێموایە هەرشتێک لەبەرژەوەندی میللەتەکەمان بێت بۆ یەکڕیزی یەکێتی پشتگیری دەکات

 

لەبارەی ئەوەی ئایا وەک یەكێتی ئامادەن ئەو داوایە لە بارزانی بکەن شێخ جەعفەر شێخ مستەفا وتی، "نەگەیشتوەتە ئەوکاتە هەرکات گەیشتە ئەوکاتە هەرکاتێک بو ئێمە هیچ کات ڕێگریمان لە جەنابی کاک مەسعود نەکردوە، کاک مەسعود ئەمڕۆ سەرکردەیەکی دیاری میللەتەکەمانە سەرۆکی ئەم هەرێمە بوە لە پێشتر لەبەر ئەوە هەرکات کاتی هات ئەوکات یەکێتی بۆچونی خۆی دەدات وە پێموایە هەرشتێک لەبەرژەوەندی میللەتەکەمان بێت بۆ یەکڕیزی یەکێتی پشتگیری بکات، ئێمە پێشتر بۆ کاک مەسعود کارمان کردوە و دەنگمان پێداوە ببێتە سەرۆکی هەرێم جەنابی مام جەلال بەهەمو توانایەکیەوە لەدەرەوەی یەکێتی-ش کاری کردووە".

ئەوەشی خستەڕو، "ئەگەر ئێستاش کاک مەسعود بیەویت ئەو ڕۆڵە ببینێت و ببێتە سەرۆکی ئەنجومەنەکە هەمو لایەنە سیاسیەکان کۆبکاتەوە و یەکڕیزی کورد بپارێزیت بێگومان وه‌ك یه‌كێتی هەمان هەڵوێستی ڕابردومان دەبێت ئەوا یەکێتی نیشتمانی کوردستان هەمان هەڵوێستی دەبێت وە وەبوە وەک ڕابردو بومان". 


Copyright © 2016 Xendan.org all rights reserved

designed and developed by AVESTA GROUP