عادل عه‌بدولمه‌هدی: لایه‌نه‌ په‌یوه‌ندیداره‌كانمان راسپاردوە رێگری لە دوبارەکردنەوەی روداوەکەی کەربەلا بکەن

- 9/11/2019 9:04:00 AM 1707 جار خوێندراوەتەوە

خەندان-

سه‌رۆك وەزیرانی عێراق رایگەیاند، چاودێری روداوه‌كه‌ی كه‌ربه‌لا ده‌كه‌ن و به‌رپرسان و لایه‌نه‌ په‌یوه‌ندیداره‌كانیان راسپاردوه‌ بۆ ئەوەی رێگرێ له‌ دوباره‌ بونه‌وه‌ی ئه‌و حاڵه‌ته‌ بکەن.

بەهۆی دروستبونی پاڵه‌په‌ستۆ و فشاری زۆر له‌ ناو ریزی زیاره‌تكارانی كه‌ربه‌لا لە مەراسیمی عاشورادا دوێنێ لە روداوێکدا 31 كه‌س گیانیان له‌ده‌ستدا و به‌ ده‌یانی دیكه‌ بریندار بون. 

عادل عه‌بدولمه‌هدی، سه‌رۆك وەزیرانی عێراق لە بەیاننامەیەکدا رایگەیاندوە، "هه‌مو لایه‌نه‌ به‌رپرس و په‌یوه‌ندیداره‌كانمان راسپاردوه‌ به‌ ده‌م پرسه‌كانی په‌یوه‌ست به‌ یادی عاشوراوه‌ بچن و رێگربن له‌ دوباره‌ بونه‌وه‌ی ئه‌و حاڵه‌تانه‌ و گیان و ژیانی زیاره‌تكارانی شیعه‌ و حوسێنییه‌كان بپارێزن".

عادل عه‌بدولمه‌هدی هاوکات پرسه‌ و سه‌ره‌خۆشی ئاڕاسته‌ی زیاره‌تكارانی شیعه‌ و كه‌سوكاری ئه‌و قوربانیانه‌ كردوە، کە لە روداوەکەی دوێنێدا گیانیان لەدەستداوە.


Copyright © 2016 Xendan.org all rights reserved

designed and developed by AVESTA GROUP