ترەمپ سیاسەتی رێگریکردن لە کۆچبەرانی داڕشتوە
ئەمریکا سوپاسگوزاری مەکسیک و وڵاتانی دیکەی ئەمریکای ناوەڕاستە

- 9/10/2019 12:44:00 PM 1067 جار خوێندراوەتەوە

خەندان-   

حکومەتی ئەمریکا رایگەیاند، بەهۆی یارمەتی مەکسیک و وڵاتانی دیکەی ئەمریکای باشور دەستگیرکردنی پەنابەران بەڕێژەی 60% کەمیکردوە بە بەراورد بە سەرەتای ئەمساڵ.
ترەمپ سیاسەتی رێگری لەکۆچبەرانی داڕشتوە وەک هەڵمەتێک بۆ دوبارە خۆکاندیدکردنەوە بۆ هەڵبژاردنەکانی سەرۆکایەتی ساڵی 2020

 

دۆناڵد ترەمپ، سەرۆکی ویلایەتە یەکگرتوەکانی ئەمریکا، سیاسەتی رێگری لەکۆچبەرانی داڕشتوە وەک هەڵمەتێک بۆ دوبارە خۆکاندیدکردنەوە بۆ هەڵبژاردنەکانی سەرۆکایەتی ساڵی 2020.

لە مانگی ئابی ئەمساڵدا 64 هەزار پەنابەر لەسەر سنورەکانی باشوری رۆژئاوای ئەمریکا دەستبەسەرکران و گەڕێنرانەوە بۆ وڵاتەکانی خۆیان.
لە مانگی ئابی رابردودا رێژەی کۆچبەران بە بەراورد بە هەر مانگێکی دیکەی ساڵدا زیاتربو

 

ژمارەی کۆچبەران لە مانگی مارس بەرێژەی %56 کەمیکردوە، پاشان لە مانگی حوزەیران رێژەی کۆچبەران % 22 کەمیکرد، لەگەڵ ئەوانەشدا لە مانگی ئابی رابردودا رێژەی کۆچبەران بە بەراورد بە هەر مانگێکی دیکەی ساڵدا زیاتربو، بەهۆی ئەوەی کۆچبەران لە ئەمریکای ناوەڕاست و وڵاتە هەژارەکان بەرێژەیەکی هەژمارنەکراو رویانکردە باکوری ئەمریکا و داوای پەنابەریان دەکرد.
ترەمپ فشاری زیاتری خستوەتە سەر وڵاتی مەکسیک و وڵاتانی دیکەی وەک گواتیمالاو هندوراس و سلڤادور بە زیادکردنی باجی گومرکی

 

دۆناڵد ترەمپ، سەرۆکی ویلایەتە یەکگرتوەکانی ئەمریکا، فشاری زیاتری خستوەتە سەر وڵاتی مەکسیک و وڵاتانی دیکەی وەک گواتیمالاو هندوراس و سلڤادور بە زیادکردنی باجی گومرکی بۆ سەر وڵاتەکەیان، بۆ رێگیریکردن لە خەڵکی وڵاتەکەیان لە خۆگەیاندن بۆ سنورەکانی ئەمریکا.

 لە وەڵامدا هەندێک وڵاتی وەک گوانتیمالا و هندۆریسیا، رازیبونی خۆیان راگەیاندوە، بەڵام وڵاتی مەکسیک رەتیکردەوە بە بڕیارەی وەستان بەڕوی کۆچبەراندا رازیبێت.

لە ئێستادا وڵاتی مەکسیک رەزامەنی خۆی دەربڕیوە بە هێشتنەوەی پەنابەران لە سنوری وڵاتەکەیدا هەتا ئەوکاتەی وەڵامی دادگا وەردەگرنەوە.
ئێمە چاوەڕوانیمان لە ویلایەتە یەکگرتوەکانی ئەمریکا نەدەکرد کە بەزیادکردنی باج هەڕەشە لەوڵاتەکەمان بکات

 

وەزیری دەرەوەی مەکسیک کە وابریارە ئەمڕۆ سێشەممە لەگەڵ دەسەڵاتدارانی ئەمریکا کۆببێتەوە رایگەیاند، "ئێمە چاوەڕوانیمان لە ویلایەتە یەکگرتوەکانی ئەمریکا نەئەکرد کە بەزیادکردنی باج هەڕەشە لەوڵاتەکەمان بکات".

لە وەڵامیشدا دۆناڵد ترەمپ لە کۆشکی سپی بە رۆژنامەوانانی راگەیاند، "هەتا ئێستا مەکسیک کارێکى زۆرباشی کردوە بۆ ئێمە، پێزانینێکی زۆریشمان بۆ ئەو هەڵانەی هەیە، بەڵام ئێستا  یاساو رێکخستنەکان بەتەواوەتی گۆڕاوە".

لە 15 مانگی حوزەیراندا ویلایەتە یەکگرتوەکانی ئەمریکا یاسایەکی دەرکرد، کە تیایدا هاتوە کۆچبەران دەبێت لە سنوری وڵاتی خۆیانا بمێنەوە تا ئەوکاتەی وەڵامی دادگا وەردەگرنەوە.


Copyright © 2016 Xendan.org all rights reserved

designed and developed by AVESTA GROUP