کۆترێک جوجەڵەی مریشک ھەڵدێنێت

- 9/10/2019 12:04:00 AM 8539 جار خوێندراوەتەوە

خەندان-

كوردێكی دانیشتوی وڵاتی سوید، هێلكەی مریشك دەخاتە ژێر كۆترو دوای 21 رۆژ كۆترەكە هێلكەكە هەڵدەهێنێت.

ڕەشاد و کوردە لەبارەی كارەكەیەوە دەڵێت،"پێش سێ هەفتە بەڵێنم پێدان، ئەگەر هێلكەی ئەو مریشكە كە دەیخەینە ژێر كۆترەكەوە دوای 21 رۆژ هەڵبهێنێت پێشانتان دەدەم، كەسێك گرەوێكی لەگەڵ من كرد كە خەڵكی وڵاتی سویدە، نەیدەزانی من پێشتر لە ساڵی 1983 هێلكەی مریشكم لەژێر كۆتر داناوە و هەڵیهێناوە"

دەشڵێت،"رونمكردەوە كە كۆتر لە نێوان 14 بۆ 17 رۆژ بەچكە هەڵدەهێنێت، مریشك بە 21 رۆژ، بەڵام زۆر جار كۆترەكە دەمێنێتەوە، دەبێت ئەوەش بزانن كە كۆتر كاتێك بەچكە هەڵدەهێنێت خۆی دانی پێدەدات، بەڵام جوچكی مریشك خۆی دان دەخوات، بۆیە دەبێت ئەمڕۆ من جوجكەكە لە كۆترەكە جیابكەمەوە و بممە دایكی"

دەشڵێت،"من ئەو جوجكە بەخێو دەكەم تا گەورە دەبێت، دواتر دەیبەمەوە بۆ لادێ و دەیبەمەوە ناو ئەو خانەوادەی كە 35 مریشكی دیكە بەخێودەكەن و داواشیان لێدەكەم كە نابێت بە هیچ شێوەیەك ئەو مریشكە سەرببڕن"

 

 



Copyright © 2016 Xendan.org all rights reserved

designed and developed by AVESTA GROUP