بەپەلە

یەکێتی ئەوروپا بە زمانی عەرەبی پیرۆزبای دەستپێکی ساڵی نوێی خوێندن لە تورکیا دەکات

- 9/9/2019 6:17:00 PM 2983 جار خوێندراوەتەوە

خەندان-

شاندی یەکێتی ئەوروپا لە تورکیا بە زمانی عەرەبی پیرۆزبای دەستپێکی ساڵی خوێندن لە تورکیا دەکات، ئەوەش نارەزاییەکی بەرفراوانی لەناو تورکیادا  بەدوای خۆیدا هێناوە.

 بە هەردو زمانی تورکی و عەرەبی پیرۆزبای ساڵی نوێی خوێندنی لە تورکیا کردوە

 


شاندەکە لە پێگەی فەرمی خۆی لە تویتەر، بە هەردو زمانی تورکی و عەرەبی پیرۆزبای ساڵی نوێی خوێندنی لە تورکیا کردوە و " هیواخوازی سالێکی پر خۆشیە".
تورکیا وەک وڵاتێکی عەرەبی سەیرکراوە

 


پەیامی پیرۆزبای بە زمانی عەرەبی، نارەزایی بەدوای خۆیاد هێناوە هەزاران بەکار‌هێنەری تۆڕەکە لە تورکیا رەخنەیان لەو هەنگاوەی یەکێتی ئەوروپا گرتوە و دەڵێن" تورکیا وەک وڵاتێکی عەرەبی سەیرکراوە".
بەهۆی هەڵە تێگەیشتنەوە لە پۆستەکەی پێشومان، ناچاربوین بیسرینەوە

 


بەهۆی زۆربونی رەخنەکان لەو هەنگاوەی یەکێتی ئەوروپا، یەکێتیەکە ناچار بو پۆستەکە بسرێتەوە و لە پەیامێکدا دوای سرینەوەی پەیامەکە نوسی" بەهۆی هەڵە تێگەیشتنەوە لە پۆستەکەی پێشومان، ناچاربوین بیسرینەوە، ئامانجی ئێمە ئەو سوریە پەنابەرانە بون کە لە تورکیا دەژین"
بە بڵاوکردنەوەی وێنەیەکی ئەتاتورک نارەزایی خۆیان لەو کارەی شاندی یەکێتی ئەوروپا گرت لە تورکیا

 

زۆریك لە بەکارهێنەرانی تویتەر، بە بڵاوکردنەوەی وێنەیەکی ئەتاتورک نارەزایی خۆیان لەو کارەی شاندی یەکێتی ئەوروپا گرت لە تورکیا، مەبەستیان لەو کارە گۆڕینی ئەلفوبێی عەرەبی بو لەلایەن مستەفا کەمال ئەتاتورک.

 

ئۆزلەم ئۆزدەمیر رۆژنامەنوسی دیاری رۆژنامەی جمهوریەتی تورکی لەو بارەیەوە نوسیویەتی" ببورە! عەرەبی چیە؟  زمانی ئێمە تورکیە، رەنگە پێت نەزانیبێت بەڵام ئێمە عەرەب نین، ئەوەی کردوتانە زۆر عەیبە، یەکێتی ئەوروپا ئیتر ئێمە وەک عەرەب ئەبینێت؟ مەبەستیان لەم کارە چیە؟..."



Copyright © 2016 Xendan.org all rights reserved

designed and developed by AVESTA GROUP