بە ڤیدیۆ.. لە مەغریب گەشتیارێكی بریتانی هێرشدەكاتە سەر مریشك فرۆشێك

- 9/8/2019 6:12:00 PM 80629 جار خوێندراوەتەوە

خەندان-

ڤیدیۆی كچە گەشتیارێكی بریتانی لە تۆڕە كۆمەڵایەتیەكان دەنگۆیەكی زۆری بەدوای خۆیدا هێنا، پاش ئەوەی بەهۆی مریشكەكانیەوە هێرشیكردە سەر مریشك فرۆشێك.

سەرەتا بە وشەی نەشیاو، دواتریش بە مستەكۆڵە و گازگرتن

لە ناوچەی تەنجە لە وڵاتی مەغریب، كچە گەشتیارێكی بریتانی بە مەبەستی ئازادكردنی ژمارەیەك مریشك، هێرشدەكاتە سەر مریشك فرۆشێك، سەرەتا بە وشەی نەشیاو، دواتریش بە مستەكۆڵە و گازگرتن.

وەك لە گرتە ڤیدیۆییەكەدا دەردەكەوێت، لەنێو ژمارەیەك خەڵكدا ئەو گەشتیارە بریتانیە وشەی نەشیا و بەكاردەهێنێت  وتەنانەت ژمارەیەك ئاماژەی نەشیاو بۆ ئەو كەسانە بەرزدەكاتەوە كە دیمەنەكە تۆماردەكەن.

گاز لە دەستی یەكێكیان دەگرێت

گەشتیارەكە سەرەتا لەناو خەڵكەكەدا هاواردەكات و بە دەنگێكی بەرز دەپرسێت "ئایا هەموتان نەزانن؟ ناتوانن بیربكەنەوە؟"، دواتریش خۆی دەدات بەسەر ئەو قەفەزانەدا كە مریشكەكانی تێدایەوە هەوڵدەدات دەریانبهێنێت، كاتێكیش ژمارەیەك لە مریشك فرۆشەكان هەوڵدەدەن رێگری لێبكەن گاز لە دەستی یەكێكیان دەگرێت.

بە مستەكۆڵە هێرشدەكاتە سەر مریشك فرۆشەكە

پاش هەوڵدان بۆ رێگریكردن لە دەرهێنانی مریشكەكان، گەشتیارە بریتانیەكە بە مستەكۆڵە هێرشدەكاتە سەر مریشك فرۆشەكە، بەڵام مریشك فرۆشەكە تەنها بەرەو دواوە هەنگاوەكانی دەنا و كاردانەوە و پەرچەكرداری هاوشێوەی گەشتیارەكەی نەبو.

بەهۆی ئەوەی بریتانیە دەستگیرنەكراوە

لە تۆڕە كۆمەڵایەتیەكان، رەخنەیەكی زۆر ئاڕاستەی گەشتیارە بریتانیەكە كراوە و ئاماژەیان بەوەكردوە "تێناگات لەوەی ئەو مریشكانە سەرچاوەی ژیانی مریشك فرۆشەكە و خێزانەكەیەتی"، كەسێكی دیكەش دەڵێت "بەهۆی ئەوەی بریتانیە دەستگیرنەكراوە" و داوایانكردوە حكومەتی بریتانیا شوناسی گەشتیارەكە ئاشكرابكات و بە شێوەیەكی فەرمی داوای لێبوردن لە مریشك فرۆشەكە بكات.

 


نیشانەکردن :

#جۆراوجۆر

Copyright © 2016 Xendan.org all rights reserved

designed and developed by AVESTA GROUP