بە ڤیدیۆ.. كۆرپەیەك 117 رۆژ پاش مردنی دایكی لەدایكبو

- 9/6/2019 6:58:00 PM 14336 جار خوێندراوەتەوە

خەندان-

منداڵێك 117 رۆژ پاش گیانلەدەستدانی دایكی بە تەندروستیەكی باش لەدایكبو، ئەو روداوەش ژمارەیەكی پێوانەیی شكاندوە لە نەشتەرگەری هاوشێوەدا.

لە روداوێكی دەگمەندا كۆماری چیك، پاش ئەوەی دایكی بەهۆی جەڵتەی مێشكەوە گیانیلەدەستدا، كۆرپەیەك 117 رۆژ لە رەحمی دایكیدا مایەوە و سەرەنجام بە تەندروستیەكی باش لەدایكبو.

كێشی 2.13 كیلۆگرام و باڵای 42 سانتیمەتر بوە


نەخۆشخانەی برنۆ لە كۆماری چیك رایگەیاند "پاش ئەوەی دایكی كۆرپەكە بەهۆی جەڵتەی مێشكەوە گیانیلەدەستدا، لە روداوێكی دەگمەندا كۆرپەكەی بۆ ماوەی 117 رۆژ لە رەحمیدا ژیاوە و دواتریش كە لەدایكبوە كێشی 2.13 كیلۆگرام و باڵای 42 سانتیمەتر بوە".

ژمارەی پێوانەیی بۆ ماوەدرێژترین مانەوە لە رەحمی دایكێكی مردودا تۆماركردوە

ئاماژە بەوەشكراوە "مانەوەی ئەو كۆرپەیە لە رەحمی دایكیدا بۆ ماوەی 117 رۆژ و دواتر لەدایكبونی بە تەندروستیەكی باش ژمارەی پێوانەیی بۆ ماوەدرێژترین مانەوە لە رەحمی دایكێكی مردودا تۆماركردوە، كە دواتر لە رێگەی نەشتەرگەریەوە دەرهێنراوە".

 

ئەو دایكە، بەهۆی جەڵتەی مێشكەوە لە مانگی نیسانی ئەمساڵدا گیانیلەدەستداوە و دواتر تیمێك لە پزیشكان و كارمەندانی نەخۆشخانە تەواوی هەوڵەكانیان خستوەتەكار بۆ چاودێریكردنی كۆرپەكە لەناو رەحمی دایكیدا.

دایكی كۆرپەكە كە تەمەنی تەنها 27 ساڵ بوە خراوەتە ژێر چەند ئامێرێكەوە

بۆ ئەو مەبەستە دایكی كۆرپەكە كە تەمەنی تەنها 27 ساڵ بوە خراوەتە ژێر چەند ئامێرێكەوە بە مەبەستی مانەوەی كۆرپەكە لە ژیاندا و مانەوەی پرۆسەی دوگیانیەكە تا كاتی گونجاو بۆ لەدایكبونی كۆرپەكە، هاوكات بە شێوەیەكی بەردەوام قاچەكانی دایكیكەیان هاوشێوەی پیادە رۆشتن جوڵاندوە، تا هاوكاربێت لە گەشەی كۆرپەكە.

دواتر و پاش تێپەڕبونی 34 هەفتە لە دوگیانی، بە ئامادەبونی باوك و ئەندامانی دیكەی خێزانەكەی ئەو كۆرپەیە لەدایكبو و تیمە پزیشكیەكەش سەرجەم ئامێرە پزیشكیەكانیان لەو دایكە جیاكردوەتەوە.

 



Copyright © 2016 Xendan.org all rights reserved

designed and developed by AVESTA GROUP