دابەشکردنی موچەی مانگی حوزەیران دەستپێدەکات

- 9/4/2019 8:55:00 AM 60201 جار خوێندراوەتەوە

خەندان-

سەرچاوەیەک لە وەزارەتی دارایی و ئابوری رایگەیاند، سبەی پێنجشەممە دابەشکردنی موچەی مانگی حوزەیرانی ئەمساڵ دەستپێدەکات.

سەرچاوەیەک لە وەزارەتی دارایی و ئابوری حکومەتی هەرێمی کوردستان بە خەندان-ی رایگەیاند، رۆژی پێنجشەممە ڕێکەوتی ٢٠١٩/٩/٥ موچەی مانگی شەشی وەزارەتی پێشمەرگە و لیواکان دابەش دەکرێت.

ئاماژەی بەوەشکرد، ڕۆژی یەکشەممە ڕێکەوتی ٢٠١٩/٩/٨ موچەی یەکەکانی ٧٠ و ٨٠ی وەزارەتی پێشمەرگە دابەش دەکرێت، ڕۆژی دوشەممە ڕێکەوتی ٢٠١٩/٩/٩ پشوی فەرمیە موچەی هیچ وەزارەتێك دابەش ناکرێت.

سەرچاوەکە وتیشی، "ڕۆژی سێشەممە ڕێکەوتی ٢٠١٩/٩/١٠ موچەی وەزارەتی پەروەردە و ڕۆژی چوارشەممە ٢٠١٩/٩/١١ موچەی وەزارەتی دارایی و ڕۆژی پێنجشەممە ڕێکەوتی ٢٠١٩/٩/١٢ موچەی وەزارەتی تەندروستی دابەش دەکرێت".

وەزارەتی دارایی و ئابوری لەمساڵدا هەشت موچەی فەرمانبەرانی دابەشکردوە، سێ موچەیان هی مانگەکانی 10، 11 و 12ی ساڵی رابردو بو، کە بەهۆی "قەیرانی دارایی"یەوە نەدرابو، هەروەها پێنج موچەی ئەمساڵیش دابەشکراوە.


Copyright © 2016 Xendan.org all rights reserved

designed and developed by AVESTA GROUP