بەپەلە

بە ڤیدیۆ.. ماوەی كەمتر لە چركەیەك چارەنوسی گەنجێكی گۆڕی

- 8/31/2019 5:34:00 PM 59259 جار خوێندراوەتەوە

خەندان-

لە دورگەی ئیبیزا سەر بە وڵاتی ئیسپانیا، هەرەسهێنانی تاشەبەردێك بە كەمتر لە چركەیەك، گەشتیارێكی لە روبەڕوبونەوەی كارەساتێكی دڵتەزێن رزگاركرد.

لەوكاتەدا گەنجەكە خۆی هەڵدەداتە ناو ئاوەكە تاشە بەردەكەش دەكەوێتە

لە گرتە ڤیدیۆییەكدا، گەشتیارێك دەردەكەوێت كە لە بەرزاییەكی دورگەی ئیبیزا لە ئیسپانیا هەوڵدەدات خۆی هەڵبداتە ناو ئاوی دەریاكەوە، بەڵام ئەو بەردەی لەسەری وەستاوە جیگیر نیە و لەوكاتەدا گەنجەكە خۆی هەڵدەداتە ناو ئاوەكە تاشە بەردەكەش دەكەوێتە خوارەوە.

بە جیاوازی كەمتر لە چركەیەك دەكەونە ناو ئاوەكەوە

وەك دەردەكەوێت، لەكاتێكدا گەنجەكە خۆی فڕێدەداتە ناو ئاوەكە، تاشە بەردەكەی ژێرپێی بە ماوەیەكی زۆر كەم دەكەوێتە خوارەوە و بە جیاوازی كەمتر لە چركەیەك دەكەونە ناو ئاوەكەوە، بەڵام گەنجەكە پێش تاشەبەردەكە كەوتە ناو ئاوەكەوە و ئازاری پێنەگەشت.

ئاگادارنەبوە كە تاشەبەردەكەی ژێرپێی جێگیرنەبوە

ئەو گەنجە، گرتە ڤیدیۆییەكەی لە هەژماری خۆی لە یەكێك لە تۆڕە كۆمەڵایەتیەكان بڵاوكردوەتەوە و لەمیانی لێدوانێكیشیدا رایگەیاندوە "ئاگادارنەبوە كە تاشەبەردەكەی ژێرپێی جێگیرنەبوە و كەوتنەخوارەوەی لەناكاوبوە".

لە تۆڕە كۆمەڵایەتیەكانیشدا ئەو گرتە ڤیدیۆییە كاردانەوەیەكی زۆری لێكەوتوەتەوە و نازناوی (بەختەوەر)یان بەخشیوەتە ئەو گەنجە، دەشڵێن گەر پێش هەرەسهێنانی تاشە بەردەكە بازی هەڵنەدایە چارەنوسێكی كارەساتباری دەبو.

 


نیشانەکردن :

#جۆراوجۆر

Copyright © 2016 Xendan.org all rights reserved

designed and developed by AVESTA GROUP