بەپەلە

راگەیاندنی ئاگربەست دۆخی ئیدلیبی هێورکردۆتەوە

- 8/31/2019 2:49:00 PM 1004 جار خوێندراوەتەوە

خەندان-
پاش راگەیاندنی ئاگربەست لەلایەن حکومەتی سوریاوە، دۆخی ئیدلیب هێوربونەوەی زۆری بەخۆوە بینیوە.

بەپێی هەواڵێکی ئاژانسی رۆیتەرز، پاش ئەوەی سەرلەبەیانی ئەمڕۆ بڕیاری ئاگربەست لەناوچەی ئیدلیب جێبەجێکرا، چاودێرێکی دۆخی ئیدلیب رایگەیاند دۆخی ئەو ناوچەیە روی لەهێوربونەوە کردوە.
لەماوەی ئەم مانگەدا ئەمە دوەمین ئاگربەستە لەو ناوچەیە راگەیەنراوە

لەماوەی ئەم مانگەدا ئەمە دوەمین ئاگربەستە لەو ناوچەیە راگەیەنراوە و کە دەکەوێتە ناوچەی باکوری رۆئاوای سوریا و لەدەستی هێزە یاخییەکاندایە.

ئاگربەستی یەکەم لەسەرەتای ئەم مانگەدابو کە پاش سێ رۆژ ئاگربەستەکە راگیراو حکومەتی روسیا هێزێکی مەیدانی هێنایە ناوچەکە.

لەماوەی رابردودا ئیدلیب کەوتەبەر هێرشی بەرفراوانی هەریەک لەهێزەکانی سوریا و هێزی ئاسمانی روسیا و بەهۆیە سەدان هەزار کەس ناوچەکەیان جێهێشت و سەدانی دیکەش کوژران و برینداربون.
سوریا پابەند دەبێت بەراگرتنی هێرشەکانی

بەپێی ئاگربەستەکە حکومەتی سوریا پابەند دەبێت بەراگرتنی هێرشەکانی، بەڵام مافی وەڵامدانەوەی هەر پێشێلکارییەکی هەیە.

لای خۆشییەوە وەزارەتی بەرگری روسیا جەختی لەسەر پابەندبونی خۆی و حکومەتی سوریاکردەوە بە ئاگربەستەکەوە و داواشی لەلایەنەکانی دیکە کرد پابەندی ئەو ئاگربەستەبن.

نیشانەکردن :

#سوریا

Copyright © 2016 Xendan.org all rights reserved

designed and developed by AVESTA GROUP