هەواڵی ئەمڕۆ

بەپەلە

هەڵمەتی هۆشیاری ماددەی هۆشبەر لە گەرمیان راگەیەندرا

- 8/29/2019 3:04:00 PM 812 جار خوێندراوەتەوە

خەندان- نیگار عومەر 

رێکخراوی فۆکەس بۆ پەرەپێدانی مەدەنیەت، هەڵمەتیکی بۆ بەرەنگاربونەوەی ماددەی هۆشبەری  لە شارۆچکەی کەلاری ناوەندی ئیدارەی گەرمیان راگەیاند.

پەیامنێری خەندان لە گەرمیان رایگەیاند، ئەمڕۆ لە شارۆچکەی کەلاری ناوەندی ئیدارەی گەرمیان، لەلایەن ڕێکخراوی فۆکسەوە بەئامادەبونی لایەنە پەیوەندی دارەکانی گەرمیان و بەرپرسانی باڵا هەڵمەتەکە راگەیندرا.

کۆشش محەمەد، بەڕێوەبەری رێکخراوی فۆکەس بە خەندان-ی وت، "ئەم پڕۆژەیە ئێمە  وەک سەکۆی بەشداری گشتی 3P کە لەلایەن ڕێکخراۆی RED و بەهاوکاری مادی NPA نەرویجی بەڕێوەدەبرێت، رێکخراوی فۆکەس هەڵدەسیت بە جێبەجێکردنی ئەم پڕۆژەیە".

ئاماژەی بەوەشکرد، پڕۆژەکە خۆی لە کۆمەڵی چالاکی دەبینێتەوە، وەک خول و سیمینار، بۆ کارمەندانی بەڕێوەبەرایەتیەکان کە بە ماوەی سێ مانگە دەخایەنێت.

بەڕێوەبەری رێکخراوی فۆکەس وتیشی، "ئەمڕۆ لەگەڵ سەرجەم لایەنە پەیوەندیدارەکانی گەرمیان کۆبوینەوە بۆ ئەوەی کۆدەنگیەک دروست بکەین، پێکەوە کاری لەسەر بکەین، وە کار دەکەین بۆ هەموار کردنەوەی یاسای ماددە هۆشبەرەکان، کردنەوەی سەنتەریک بۆ توشبوانی ئەوماددەیە".


Copyright © 2016 Xendan.org all rights reserved

designed and developed by AVESTA GROUP