بەپەلە

هێرشێکی ئاسمانی کرایە سەر ئیدلیبی سوریا و بەهۆیەوە نۆ هاوڵاتی گیانیانلەدەستدا

- 8/29/2019 11:05:00 AM 1560 جار خوێندراوەتەوە

خەندان-
دانیشتوانی گوندی مەعرەی سەربە ناوچەی ئیدلیبی  سوریا رایانگەیاند ئێوارەی دوێنێ چوارشەممە چەند فڕۆکەیەکی جەنگی ناوچەکەیانی بۆردومان کردوە و بەهۆیەوە لانیکەم نۆ هاوڵاتی کوژراون.

بەپێی زانیارییەکانی ئاژانسی رۆیتەرز، فڕۆکە جەنگییەکان فڕۆکەی سوریا یان روسیا بون و بەهۆی بونی هێزە یاخیبوەکان لەو ناوچەیە ئەو شارەیان بۆردومان کردوە.

بەهۆی هێرشی بەردەوامی ئاسمانی و زەمینی هێزەکانی رژێمی ئەسەد و حکومەتی روسیا، لەماوەی دو هەفتەی رابردودا ناوچەکانی مەعرەیان لەباکوری رۆژئاوای سوریا چۆڵکردوە.
روسیا و سوریا گوند و شارۆچکەکانی دیکەی ئیدلیبیان بۆردومان کردوە

بەگوێرەی شاهید حاڵەکان، جگەلە مەعرە، فڕۆکە جەنگییەکانی روسیا و سوریا گوند و شارۆچکەکانی دیکەی ئیدلیبیان بۆردومان کردوە.
 
تا ئیستا ناوچەی ئیدلیب وەک ناوچەیەکی ئۆپۆزسیۆنی یاخی ماوەتەوە و بەشێکی زۆری ئەو ناوچەیە لەلایەن جیهادییەکانی وەک بەرەی نوسرەوە کۆنترۆڵکراوە و تائیستا بەرهەڵستی رژێمی سوریا دەکەن. 

نیشانەکردن :

#سوریا

Copyright © 2016 Xendan.org all rights reserved

designed and developed by AVESTA GROUP