ماکرۆن وەڵامی سەرۆكی بەرازیل دەداتەوە
گاڵتە بە روخساری هاوسەری سەرۆكی فەرەنسا دەكات

- 8/27/2019 12:16:00 AM 89075 جار خوێندراوەتەوە

خەندان-

پاش بڵاوبونەوەى کۆمەڵێک وێنەى کۆبونەوەی لوتکەى وڵاتان G7 و لەنێویشیاندا وێنەى هاوسەرانى سەرکردەى وڵاتان، وێنەکانى بریجت ماکرۆن هاوسەرى ئیمانوێل ماکرۆن سەرۆکى وڵاتى فڕەنسا، لەتۆڕە کۆمەڵایەتیەکان زۆرترین قسەو باسی لەبارەوە كرا.

بەشێك لەو قسەو باسانەی لەسەر بریجت-ى تەمەن 66 ساڵ کرا، گاڵتەكردن بو بە روخسارى خانمە بەتەمەنەکەى فڕەنسا.
بەراوردى ماکرۆن و خێزانە 66 ساڵەکەى و بۆلسۆنارۆ و خێزانە 37 ساڵەکەى کراوە

 

كەسێك لە كۆمێنتێكدا لەسەر پۆستێكی فەیسبوكی  جێر بۆڵسۆنارۆ، سەرۆكی بەرازیل گاڵتە بە روخساری هاوسەرەکەى سەرۆکى فڕەنسا دەكات و بەراوردى ماکرۆن و خێزانە 66 ساڵەکەى و بۆلسۆنارۆ و خێزانە 37 ساڵەکەى کراوە، لە وەڵامدا سەرۆکى بڕازیل بە گاڵتە پێکردنەوە دەنوسێت"ئەو کوڕە شەرمەزار مەکەن هاهاها".

ئافرەتانى بڕازیل لەوانەیە شەرم  لە سەرۆکەکەیان بكەن

 

ئەو کۆمێنتەى سەرۆکى بەڕازیل بوەهۆى توڕەکردنى سەرۆکى فڕەنسا و لە وەڵامدا ماکرۆن دەڵێت،"ئەوە ناخۆشە یەکەمجار بۆ ئەو و دواتر بۆ بڕازیلیەکان"وتیشی،"ئافرەتانى بڕازیل لەوانەیە شەرم  لە سەرۆکەکەیان بكەن".

ناکۆکیەکانى ئەم دو سەرۆکە لەدواى روداوى ئاگرکەوتنەوەکەى دارستانى ئەمازۆنەوە دەستى پێکردوە و چەندین لێدوانى توندیان بەرامبەر یەکترداوە.



Copyright © 2016 Xendan.org all rights reserved

designed and developed by AVESTA GROUP