هەواڵی ئەمڕۆ

بەپەلە

ئێران نەوتی کەشتیە ئازادکراوەکەی فرۆشت

- 8/26/2019 11:27:00 AM 6019 جار خوێندراوەتەوە

خەندان-

حكومەتی ئێران رایگەیاند، نەوتی ئەو كەشتیەی فرۆشتوە كە لە ماوەی رابردودا لە لایەن حكومەتی جەبەل تاریق-ەوە دەستی بەسەردا گیرابو پاشان ئازادكرا، دەشڵێت كڕیاری نەوتەكە چارەنوسی ئاڕاستەی كەشتیەكە دیاریدەكات.

كڕیاری نەوتی ئەو كەشتیە ئاراستەی  رۆشتنی كەشتیەكە دیاریدەكات

لە راگەیەندراوێكدا، حكومەتی كۆماری ئێران بڵاویكردەوە، نەوتی كەشتی ئادریان داریا-ی فرۆشتوە، كە پێشتر بەناوی گریس-1 لە لایەن دەسەڵاتدارانی جەبەلتاریق-ەوە دەستی بەسەرداگیرا و ماوەیەك لەمەوبەر لەلایەن دەسەڵاتدارانی هەمان ناوچەوە ئازاردكرا، ئاماژەی بەوەشكردوە "كڕیاری نەوتی ئەو كەشتیە ئاراستەی  رۆشتنی كەشتیەكە دیاریدەكات".

ئەو كەشتیە ناچێت بۆ توركیا

هەر لەو چوارچێوەیەدا، زانیاریەكانی تایبەت بە هاتوچۆی دەریایی رایانگەیاندوە "كەشتیەكە كە لەنزیك كەناراوەكانی یۆنان-دا بو، ئاراستەی خۆی گۆڕیوە و بە پێچەوانەی زانیاریەكانی پێشو ئەو كەشتیە ناچێت بۆ توركیا".

بە پێی زانیاریەكانی پێشو، كەشتی نەوتهەڵگری ئادریان داریا ئاراستەی بەرەو كەناراوەكانی مێرسین بوە لە باشوری توركیا، پێش گۆڕینی ئاراستەی بەرەو توركیا ئەو كەشتیە بەرەو كەناراوی كالامارا-ی یۆنانی بەڕێكەوتبو، بەڵام حكومەتی ئەسینا رەتیكردەوە پێشوازی لێبكات.

پێشتر ویلایەتە یەكگرتوەكان فەرمانیكرد بە راگرتنی ئەو كەشتیە كە لە ناوەراستی ئەم مانگەدا و پاش پێنج مانگ لە دەستبەسەرداگرتنی ئازاردكرا، حكومەتی جەبەل تاریقیش رایانگەیاندبو "ئێران گرەنتیداوە ئەو كەشتیە ناچیتە سوریا"، بەڵام لایەنی ئێرانی ئەو راگەیەندراوەیان رەتكردەوە".


نیشانەکردن :

#ئه‌مریكا #ئێران # نەوت

Copyright © 2016 Xendan.org all rights reserved

designed and developed by AVESTA GROUP