پێكدادانی دو فڕۆكە گیانلەدەستدانی پێنج كەسی لێدەكەوێتەوە

- 8/25/2019 6:24:00 PM 3570 جار خوێندراوەتەوە

خەندان-

لە روداوێكدا لە وڵاتی ئیسپانیا، کۆپتەرێک و فڕۆکەیەکى بچوکى دوکەسى پێکیاندا داو بەو هۆیەوە 5 کەس بونە قوربانى.

میدیاكانی ئیسپانیا بڵاویانكردەوە، ڕوداوەکە لە شارۆچکەى ئینکای باکورى دورگەى مایورکا رویداوە و سێ کەس لە قوربانیەکان لە ناو کۆپتەرەکەدابون و گەشتیاربون و دو کەسەکەى دیکەش لەناو فڕۆکە بچوکەکەدابون کە جێگاى دو سەرنشینى هەبوە.

ئاماژە بەوەشكراوە كە یەکێک لەقوربانیەکان تەمەنى لە خوار 18ساڵ بوە و تاوەکو ئێستا نازانرێت هۆکارى روداوەكە چی بوە و لێكۆڵینەوە لە روداوەكە دەستی پێكردوە.
 


Copyright © 2016 Xendan.org all rights reserved

designed and developed by AVESTA GROUP