سەلاحەدین بەهادین: بە نەهجێکی میانەڕەوی و به‌ قیەمی ئینسانیبون کاردەکەین

- 8/25/2019 12:23:00 PM 1340 جار خوێندراوەتەوە

خەندان-

ئەمیندارى گشتى یەکگرتوی ئیسلامی کوردستان رایگەیاند، حزبەکەی بە نەهجێکی میانەڕەوی و دڵسۆز بۆ خاک و نیشتمان و به‌قیەمی ئینسانی بون کار دەکات.
یەکگرتوی ئیسلامی بە نەهجێکی میانەڕەوی و دڵسۆز بۆ خاک و نیشتمان و به‌قیەمێکى ئەخلاقى و ئینسانی بون کاردەکات

 

سەلاحەدین بەهادین، ئەمیندارى گشتى یەکگرتوی ئیسلامی کوردستان لەمیانی کۆبونەوەیەکدا لەگەڵ بەشێک لە رێکخستنەکانى مەڵبەندى سێى دهۆکی یەکگرتو باسی لە رەوشی موسڵمانان لە ناوچەکە و جیهان کردو و رایگەیاند، "یەکگرتوی ئیسلامی بە نەهجێکی میانەڕەوی و دڵسۆز بۆ خاک و نیشتمان و به‌قیەمێکى ئەخلاقى و ئینسانی بون کاردەکات و هەمیشە وەکو هێزێکی گەورەی کوردستانی و ئیسلامی لە ناوچەکە کاریگەری خۆی هەیە".
یەکگرتو وەکو هێزێکی ئۆپۆزسیۆن کاری لە پێشینەی گەڕانەوەی شکۆیی هاوڵاتیە و کاردەکات بۆ خستنەڕوی کێشە و گرفتەکانی هاوڵاتیان

 

ئاماژەی بەوەشکرد، "یەکگرتو وەکو هێزێکی ئۆپۆزسیۆن کاری لە پێشینەی گەڕانەوەی شکۆیی هاوڵاتیە و کاردەکات بۆ خستنەڕوی کێشە و گرفتەکانی هاوڵاتیان و دۆزینەوە چارەسەر بۆ یان لەڕێى فراکسیۆنى یەکگرتو لە پەرلەمانى کوردستان دەزگاکانى ڕاگەیاندنى یەکگرتو بۆ دەستەبەرکردنى مافەکان و گەڕانەوەى شکۆى هاوڵاتیان".
یەکگرتوەکان دەتوانن ئومێد و هیوا بگەڕێننەوە بۆ گەنجان و لاوان بەخزمەتێکى جوان گرنگى دان بەخوڕەوەشتە بەرزەکان و هەروەک پیشەى لەمێژینەی خۆیان

 

سەلاحەدین بەهادین دەشڵێت، "یەکگرتوەکان دەتوانن ئومێد و هیوا بگەڕێننەوە بۆ گەنجان و لاوان بەخزمەتێکى جوان گرنگى دان بەخوڕەوەشتە بەرزەکان و هەروەک پیشەى لەمێژینەی خۆیان پەروەردەیەکى پاک و بێگەرد و نەوەیەکى دڵسۆز پەروەردە بکات بۆ خاک و نیشتمان، خەبات دەکەین دژی هەر گەندەڵی و ناعەدالەتیەک کە زیان بە کۆمەڵگە بگەیەنێت".

ئەمینداری یەکگرتو باسی لەدۆخی ناوخۆی حزبەکەیی و ئامادەکاریەکانی کۆنگرەی هەشتەم کردو وتی، "ئێمە کۆنگرەی خۆمان دەبەستین و گرفت و کێشەیەک ئەگەر هەبێ چارەسەری بۆ دەدۆزینەوە حەملەیەکی مراجعە و هەڵسانەوەمان ئەنجامداوە و گڕوتێنێکى بێ وێنە لە ناو دەزگاو ئۆرگانەکانى یەکگرتوى ئیسلامى کوردستان بەدی دەکرێت و ڕەنگیشی داوەتەوە".


Copyright © 2016 Xendan.org all rights reserved

designed and developed by AVESTA GROUP