هێرۆ ئیبراهیم ئەحمەد پرسه‌نامه‌یه‌كی ئاڕاسته‌ی وه‌زیری پێشمه‌رگه‌ كرد

- 8/24/2019 12:33:00 AM 3925 جار خوێندراوەتەوە

خه‌ندان-

هێرۆ ئیبراهیم ئەحمەد، هاوسەرى سەرکردەى کۆچکردو مامجەلال بەبۆنەى کۆچى دوایی دایکیەوە بروسکەى سەرەخۆشى نارد بۆ وەزیرى پێشمەرگە.

هێرۆ ئیبراهیم ئه‌حمه‌د له‌ په‌یامێكیدا بۆ شۆڕش ئیسماعیل رایگه‌یاند "پرسەو ماتەمینیی قوڵی خۆمتان پێدەگەیەنم و  لەناخەوە ھاوبەشی خەم و پەژارەتانم".

 

ده‌قی بروسكه‌ی سه‌ره‌خۆشی هێرۆ ئیبراهیم ئه‌حمه‌د بۆ وه‌زیری پێشمه‌رگه‌:

برای بەڕێزم کاک شۆڕش
بەداخ و پەژارەیەکی زۆرەوە، ھەواڵی ماڵئاوایی یەکجارەکیی خاتو (عائیشە حەسەن)ی دایکتانم پێگەیشت، بۆ ئەو خەمەتان پرسەو ماتەمینیی قوڵی خۆمتان پێدەگەیەنم و  لەناخەوە ھاوبەشی خەم و پەژارەتانم.
لەدەستدانی دایکی ئازیزتان وەک ژنێکی خۆڕاگر، لەخانەوادەو بنەماڵەیەکی تێکۆشەری گەلەکەمان، جێگەی خەم و دڵتەنگیمانە.
لەپەروەردگارمان داوایە ئۆقرەیی و خۆڕاگرییش بەئێوەو یەک بەیەکی خانەوادەو بنەماڵەکەتان ببەخشێت، گیانی کۆچکردوش بەبەھەشتیی بەرینی خۆی شادبکات.
 
ٳنــا للە وٳنــا ٳلــیـە راجــعــون
ھێرۆ ئیبراھیم ئەحمەد



Copyright © 2016 Xendan.org all rights reserved

designed and developed by AVESTA GROUP