ئەردۆغان بۆ هاوسەرۆك شارەوانیەكانی باكور: خزمەتی تێرۆریان كردوە

- 8/23/2019 11:47:00 PM 3942 جار خوێندراوەتەوە

خەندان-

سەرۆكی توركیا، سەبارەت بەو سێ هاوسەرۆك شارەوانیەی لەم هەفتەیەدا لە باكور كارەكانیان دورخرانەوە و كەسانی دیكە خرانە شوێنیان رایگەیاند "خزمەتی تێرۆریان كردوە نەك گەل".

رەجەب تەییب ئەردۆغان، سەرۆكی توركیا ئەمڕۆ هەینی لە لێدوانێكیدا رایگەیاند "هاوسەرۆكی شارەوانیەكانی ماردین و وان و ئامەد، خزمەتی گەلیان نەكردوەو بەڵكو خزمەتی تێرۆریستانیان كردوە".

 ئەوە لەكاتێكدایە، هەرسێ هاوسەرۆكی سەرۆك شارەوانی ئامەد و وان و ماردین لە لایەن دەسەڵاتدارانی توركیاوە لە كارەكانیان دورخرانەوە و لە جێگایان كەسانی هەڵنەبژێردراو دانرا.

هاوكات تۆمەتی تێرۆر خرایە پاڵیان و بەو هۆیەوە لە زۆرینەی ناوچەكانی باكوری كوردستان خۆپیشاندان ئەنجامدرا و پێكدادانیش لەگەل هێزەكانی پۆلیس و جەندرمە رویدا.


Copyright © 2016 Xendan.org all rights reserved

designed and developed by AVESTA GROUP