بە ڤیدیۆ..لەناو دادگا پیاوێک بە مستەکۆڵە لە پارێزەرەکەی خۆی دەدات

- 8/22/2019 9:26:00 PM 17069 جار خوێندراوەتەوە

خەندان-

زیندانیەك، كە بەهۆی هێرشكردنەسەر فەرماندەیەكی گرتوخانە حوكمدراوە، لەكاتی دادگاییكردنیدا و لەناو ژوری دادگا بە مستەكۆلە هێرشدەكاتە سەر پارێزەرەكەی خۆی.

لەبەردەم دادوەر و لەكاتی دادگاییكردنیدا

كامێرای دادگای  ئاریزۆنا لە ناوچەی ماریكۆپا، گرتە ڤیدیۆییەكی تۆماركردوە، تێیدا زیندانیەك بە ناوی لاماونت پاین، لەبەردەم دادوەر و لەكاتی دادگاییكردنیدا بە مستەكۆڵە هێرشدەكاتە سەر پارێزەرەكەی خۆی.

لەناكاو هێرشدەكاتە سەر پارێزەرەكەی

لە گرتە ڤیدیۆییەكەدا دەردەكەوێت، پاش ئەوەی دادوەر داوا لە پاین دەكات لە ژوری دادگا بچێتە دەرەوە بەهۆی ئەوەی چەندین جار وتەكانی پێبڕیوە، پاین هەلدەسێتە سەر پێ و بێ هیچ ئاماژەیەك و لەناكاو هێرشدەكاتە سەر پارێزەرەكەی.

بەهۆی ئەو هێرشە لەناكاوەی پاین خوێن لە لوتی پارێزەرەكە دێت

ڤلادیمیر گاجیك، كە پارێزەری لاماونت پاین-ە و لە تەنیشتیدا دانیشتبو، بەهۆی ئەو هێرشە لەناكاوەی پاین خوێن لە لوتی دێت، بەڵام بەپێی زانیاریەكان هیچ زیانێكی دیكەی بەرنەكەوتوە.

گرنگی پێنەداوم و فەرامۆشی كردوم

پاش روداوەكە و وەرگرتنی وتە لە پاین سەبارەت بە هۆكاری هێرشكردنی بۆ سەر پارێزەرەكەی پاین رایگەیاندوە "لەكاتی بەڕێوەچونی دادگاییەكەدا، ڤلادیمیر گاجیك گرنگی پێنەداوم و فەرامۆشی كردوم".

لە لێدوانێكیشدا، گاجیك ئاماژەی بەوەكردوە "ماوەی 20 ساڵە ئەو كارە ئەنجامدەدات، بەڵام تا ئێستا هیچ كام لەو كەسانەی پارێزەرایەتی بۆ ئەنجامداون ئەو جۆرە رەفتارەیان نەكردوە".

سكاڵای لە دژی فەرمانگەی بەرگری گشتی ناوچەی ماریكۆپا تۆماركردوە

سەرەڕای ئەوەی روداوەكە ساڵێك لەمەوبەر رویداوە، بەڵام گرتە ڤیدیۆییەكە ئەم هەفتەیە بڵاوكراوەتەوە، ئەوەش دوای ئەوەی ڤلادیمیر گاجیك رایگەیاند "بە هۆی راگرتنی دۆسیەكەیەوە، سكاڵای لە دژی فەرمانگەی بەرگری گشتی ناوچەی ماریكۆپا تۆماركردوە، كە دۆسیەكەی لە لایەن ئەو فەرمانگەیەوە بەڕیوەبراوە".

دۆسیەكەی گاجیك بە شێوەیەكی كاتی هەڵپەسێردراوە

لە وەڵامی سكاڵاكەی گاجیك-دا، وتەبێژی ماریكۆپا رایگەیاندوە "دۆسیەكەی بەڕێز گاجیك بە شێوەیەكی كاتی هەڵپەسێردراوە، پاش ئەوەی لەبارەی نەبونی پەیوەندی باش لەگەڵ ئەو كەسانەی بریكاریان بۆ ئەنجامدەدات و لەگەڵ پارێزەركانی دیكەدا چەند سكاڵایەكیان بەدەستگەیشتوە".


نیشانەکردن :

#جۆراوجۆر

Copyright © 2016 Xendan.org all rights reserved

designed and developed by AVESTA GROUP