لاهور شێخ جەنگی پەیامێک ئاڕاستەی سەرۆکی حکومەتی هەرێمی کوردستان دەکات

- 8/21/2019 4:58:00 PM 111679 جار خوێندراوەتەوە

خەندان-

لاهور شێخ جەنگی پەیامێک ئاڕاستەی مەسرور بارزانی، سەرۆکی حکومەتی هەرێمی کوردستان دەکات و رایدەگەیەنێت، بەداخەوە میدیاکانی پارتی و بەتایبەتی میدیاکانی نزیک لە ئێوە چەند رۆژێکە لە سۆشیال میدیا و رۆژنامەکانتان هێرشی ناڕەوا دەکەن. 

لاهور شێخ جەنگی، بەرپرسی ئاژانسی پاراستن و زانیاری/ زانیاری هەرێمی كوردستان لە نوسینێکدا لە تۆڕی کۆمەڵایەتی فەیسبوکی نوسیویەتی، "سوپاسی خاتو رێواز فایەق، سەرۆکی پەرلەمانی هەرێمی کوردستان دەکەم کەوا منی چاڵێنچ کردوە نەمامێک بنێژم بۆ سەوزکردنی خاکی پیرۆزی کوردستان".
بەداخەوە میدیاکانی پارتی و بەتایبەتی میدیاکانی نزیک لە سەرۆکی حکومەت چەند رۆژێکە لە سۆشیال میدیا و رۆژنامەکانیان هێرشی ناڕەوا دەکەن

 

ئاماژەی بەوەشکردوە، "بەداخەوە میدیاکانی پارتی و بەتایبەتی میدیاکانی نزیک لە سەرۆکی حکومەتی هەرێمی کوردستان چەند رۆژێکە لە سۆشیال میدیا و رۆژنامەکانیان هێرشی ناڕەوا دەکەن".
دەمەوێت بە سەرۆکی حکومەت بڵێم، ئەگەر ئەمە دەستپێکی کاری حکومەتداری ئێوەبێت دڵنیام حکومەتێکی پڕ لە شکست و نەهامەت چاوەڕوانی کۆمەڵانی خەڵکی کوردستان دەکات

 

لاهور شێخ جەنگی وەک کاردانەوەیەک لە بەرامبەر ئەو هەڵمەتەی کە لەلایەن بەشێک لە میدیاکانی نزیک لە پارتی دیموکراتی کوردستانەوە کراوەتە سەری دەڵێت، "دەمەوێت بە سەرۆکی حکومەت بڵێم، ئەگەر ئەمە دەستپێکی کاری حکومەتداری ئێوەبێت دڵنیام حکومەتێکی پڕ لە شکست و نەهامەت چاوەڕوانی کۆمەڵانی خەڵکی کوردستان دەکات".

18ی ئەم مانگە، رێواز فایەق، سەرۆکی پەرلەمانی کوردستان چاڵێنچی لاهور شێخ جەنگی کرد بۆ ناشتنی نەمامێک کە ماوەیەک سەرکردەکانی باشوری کوردستان دەستیان پێکردوە، بەڵام دواتر ژمارەیەک ماڵپەڕی فەرمی و سێبەری پارتی دیموکراتی کوردستان هەڵمەتێکیان بۆ سەر لاهور شێخ جەنگی دەستپێکرد.


Copyright © 2016 Xendan.org all rights reserved

designed and developed by AVESTA GROUP