بەپەلە

فڕۆکەکانی تورکیا بۆردومانی گوندی باپیریان لە سنوری دهۆک دەکەن

- 8/20/2019 2:06:00 PM 1967 جار خوێندراوەتەوە

خەندان-

فڕۆکەکانی تورکیا نیوەڕۆی ئەمڕۆ سێشەممە چەندجارێک بۆردومانی گوندی باپیریان لە سنوری دهۆک کرد.

سەرچاوەیەکی ئاگادار لە شوێنی روداوەکە لە دهۆک بە خەندان-ی راگەیاند، "کاتژمێر 12:00ی نیوەڕۆی ئەمڕۆ فڕۆکەکانی تورکیا بۆردومانی گوندی باپیریان لە سنوری دهۆک کردوە".
فڕۆکەکانی ئۆتۆمبێلێکی گەریلاکانی پارتی کرێکارانی کوردستان (پەکەکە)یان کردوەتە ئامانج

 

ئاماژەی بەوەشکرد، فڕۆکەکانی ئۆتۆمبێلێکی گەریلاکانی پارتی کرێکارانی کوردستان (پەکەکە)یان کردوەتە ئامانج، بەڵام هێشتا زەرەر و زیانەکان روننەبونەتەوە.
ماوەیەکە بەردەوام فڕۆکە هەواڵگرییەکانی تورکیا بە ئاسمانی ناوچەکە دەسوڕێنەوە

 

سەرچاوەکەی خەندان وتیشی، "ماوەیەکە بەردەوام فڕۆکە هەواڵگرییەکانی تورکیا بە ئاسمانی ناوچەکە دەسوڕێنەوە و هەمو جوڵه‌یەکی گەریلاکانی پەکەکە دەکەنە ئامانج لە سنورەکەدا".

بۆردومانی سنورەکانی هەرێمی کوردستان لەلایەن حکومەتی تورکیاوە لەکاتێکدایە، دوێنێ وتەبێژی حکومەتی هەرێمی کورستان لە راگەیەندراوێکدا داوای لە حکومەتی تورکیا و پارتی کرێکارانی کوردستان (پەکەکە) کرد نەبنە هۆی زیانگەیاندن بە هاوڵاتیانی هەرێمی کوردستان.


Copyright © 2016 Xendan.org all rights reserved

designed and developed by AVESTA GROUP