"ئۆجەلان بانگەوازی بۆ ئاشتی کردوە، با تورکیاش ئەرکی خۆی بەجێبهێنێت"
ژمارەیەک لایەنی سیاسی باشوری کوردستان پشتگیری خۆیان بۆ هەدەپە راگەیاند

- 8/20/2019 1:48:00 PM 2673 جار خوێندراوەتەوە

خەندان-

ژمارەیەک لایەنی سیاسیی باشوری کوردستان دژی دەستبەسەرداگرتنی شارەوانییەکانی هەدەپە لە شارەکانی ئامەد، مێردین و وان پشتگیری خۆیان بۆ ئەو پارتە دەربڕی و رایانگەیاند، پێوستە بە گیانی یەکێتی نەتەوەیی هەموان یەک دەنگ و یەک هەڵویست بن.

ئەمڕۆ دوشەممە لە ژێر چەتری کۆنگرەی نەتەوەیی کوردستاندا  ژمارەیەک حیزب و لایەنی سیاسی باشوری کوردستان سەردانی نوێنەرایەتیی هەدەپەیان کرد لە شاری هەولێر و رایانگەیاند، "حکومەتی ئەنقەرە توشی هێستریا بوە بە بیستنی ناوی کورد و کوردستان".
پێوستە بە گیانی یەکێتیی نەتەوەیی هەمومان یەک دەنگ و یەک هەڵویست بین دژی کردەوە نا دیموکراتی و دڕندانەکانی تورکیا 
لە راگەیەندراوێکدا ئاماژەیان بەوەکرد، "پێوستە بە گیانی یەکێتیی نەتەوەیی هەمومان یەک دەنگ و یەک هەڵویست بین دژی کردەوە نا دیموکراتی و دڕندانەکانی تورکیا لە پەلاماردانی سەرۆک شارەوانییەکان و پەرلەمانتاران و چالاکوانانی باکوری کوردستان و خەڵکی سڤیل".
بەرپرسیارێتیی ڕوبەروبونەوەی داگیرکەریی تورکیا لە باشور دەکەوێتە ئەستۆی تاک بە تاکمان بە گشتی و بەتایبەتیش حیزب و لایەنە سیاسییەکان

 

راشیانگەیاند، "بەرپرسیارێتیی ڕوبەروبونەوەی داگیرکەریی تورکیا لە باشور دەکەوێتە ئەستۆی تاک بە تاکمان بە گشتی و بەتایبەتیش حیزب و لایەنە سیاسییەکان و بە تایبەتریش ئەو حزب و لایەنە سیاسییانەی کە لە دەسەڵاتدان، چونکە ستراتیژیی ئەردۆغان سڕینەوەی هەمومانە و سڕینەوەی کورد و کوردستانە لە هەمو بەشەکانی کوردستان دا".
ئەردۆغان هێرشدەکاتە سەر هەمو کەسێک ئەگەر وەک خۆی بیرنەکاتەوە

 

هاوکات موزەیەن گیونەش، هاوسەرۆکی نوێنەرایەتیی هەدەپە لە باشوری کوردستان  بۆ راگەیاندنەکان قسەی کرد و رایگەیاند، "ئەردۆغان هێرشدەکاتە سەر هەمو کەسێک ئەگەر وەک خۆی بیرنەکاتەوە، هێرش بۆ سەر شارەوانییەکان پرۆسەی دیموکراسی و دەنگدان لە تورکیا دەخاتە ژێر پرسیارەوە و کە کەس باوەڕی بە هەڵبژاردن نامێنێت".
ئۆجەلان لە دوایین دیداریدا بانگەوازی بۆ ئاشتی کردوە، با دەوڵەتی تورکیاش ئەرکی خۆی بەجێبهێنێت

 

ئاماژەی بەوەشکرد، "ئۆجەلان لە دوایین دیداریدا بانگەوازی بۆ ئاشتی کردوە، با دەوڵەتی تورکیاش ئەرکی خۆی بەجێبهێنێت، بەڵام ئەردۆغان نەک ئەرکی خۆی بەجێنەهێنا، بەڵکو ئەوەشی هەبو تێکیدا و پڕۆسەی دیموکراسیی لە ناوبرد و دەستی بەسەر ئەو شارەوانیانەدا گرت، کە بە دەنگی گەل هەڵبژێردراون".


Copyright © 2016 Xendan.org all rights reserved

designed and developed by AVESTA GROUP