بەپەلە

لە سلێمانی سزادان لەسەر پابەندنەبون بەدەوامەوە دەستیپێكرد

- 8/20/2019 12:57:00 PM 29828 جار خوێندراوەتەوە

خەندان-

بەڕێوەبەری گشتی كشتوكاڵی سلێمانی بەهۆی پابەندنەبون بەدەوامەوە سزای بۆ 27 فەرمانبەرانی سەر بە بەڕێوەبەرایەتیەکەی دەرکرد.

لە نوسراوێکدا کە واژۆی شاڵاو جەمال رەسوڵ، بەڕێوەبەری گشتی  كشتوكاڵی سلێمانی لەسەرە سزا بۆ 27 فەرمانبەرانی سەر بە بەڕێوەبەرایەتیەکە دەرچوە کە پابەندنەبون بە دەوامەوە.

نوسراوەکە دوێنێ دوشەممە دەرچوە و تیایدا هاتوە، سزاکە بەهۆی پابەندنەبون بە كاتی دەوامەوە لە 8:00ی بەیانی بۆ 3:00ی پاشنیوەڕۆ دەرچوە و هەریەکەیان موچەی یەک رۆژیان لێدەبڕدرێت.

ئەو بڕیارەی بەڕێوەبەری گشتی كشتوكاڵی سلێمانی لەکاتێکدایە کە ئەنجومەنی وەزیرانی هەرێمی کوردستان لە یەکەمین کۆبونەوەیدا لە مانگی تەموزی ئەمساڵدا بڕیاریدا دەوامی فەرمانبەران لە کاتژمێر 8:00ی بەیانی بۆ 3:00ی پاشنیوەڕۆ بێت.

لەماوەی چوار ساڵی رابردودا بەهۆی دواکەوتنی موچە و پاشەکەوتی سەر موچەکانیان بەشێکی زۆر لە فەرمانبەران لە هەرێمی کوردستان هەفتانە دو رۆژ و رۆژانە چوار کاتژمێر دەوانیان دەکرد.



Copyright © 2016 Xendan.org all rights reserved

designed and developed by AVESTA GROUP