پۆلیسی توركیا لە ئامەد ھێرشیكردە سەر پەرلەمانتارانی ھەدەپە

- 8/20/2019 11:38:00 AM 2643 جار خوێندراوەتەوە

خەندان-

پۆلیسی توركیا كەمێك پێش ئێستا لە ئامەدی باکوری کوردستان ھێرشیكردە سەر پەرلەمانتارانی پارتی دیموکراتی گەلان (ھەدەپە).

پێشنیوەڕۆی ئەمڕۆ سەزای تەمەللی، ھاوسەرۆكی ھەدەپە و ژمارەیەك پەرلەمانتارانی هەدەپە وەک ناڕەزایی دەربڕینی دژی بڕیاری دورخستنەوەی هاوسەرۆکانی شارەوانی ئامەد، وان و مێردین لە شاری ئامەد گربونەوە.

دواتر پۆلیسی تورکیا گەمارۆی پەرلەمانتاران و لایەنگرانی هەدەپەیدا و بەهۆیەوە ئاڵۆزی لە نێوان چەند لایەنگرێکی هەدەپە و پۆلیسی تورکیا رویدا.

بەیانی دوێنێ دوشەممە، هاوسەرۆكی شارەوانیەكانی ئامەد و وان ماردین لە باكوری كوردستان لە كارەكانیان دورخرانەوە و دەستبەجێ لە شوێنیان كەسانی دیكە دانران.

بەپێی رونكردنەوەی وەزارەتی كاروباری ناوخۆی توركیا، هەریەك لە عەدنان سەلچوك، هاوسەرۆكی شارەوانی ئامەد و ئەحمەد تورك، هاوسەرۆكی شارەوانی ماردین و بێدیا ئۆزگیۆكچێ، هاوسەرۆكیشارەوانی وان بەهۆی ئەوەی تۆمەتبارن بە پشتیوانیكردنی هەندێك رێكخراوی یاساغ، لە كارەكانیان دورخراونەتەوە.

ئاماژە بەوەشکراوە، "سەرەڕای بەردەوامیەكان بۆ بەرەنگاربونەوە و روبەڕوبونەوەی هەریەك لە رێكخراوەكانی پارتی كرێكارانی كوردستان (پەكەكە) و كۆما جڤاكێن كوردستان (كەجەكە)، بەڵام هەندێك لە هاوسەرۆكی شارەوانیەكان دەسەڵات و تواناكانیان بۆ خزمەتكردنی ئەو رێكخراونە و ئامانجی نایاسایی بەكارهێناوە".


Copyright © 2016 Xendan.org all rights reserved

designed and developed by AVESTA GROUP