بەرشەلۆنە دوایین گرێبەست بۆ گواستنەوەی نێیمار دەخاتە بەردەم پاریس سان جێرمان

- 8/20/2019 8:42:00 AM 6213 جار خوێندراوەتەوە

خەندان-

راپۆرتی رۆژنامەكانی ئیسپانیا ئاشكرایان كردوە، سەرۆكایەتی یانەی بەرشەلۆنەی ئیسپانی دوێنێ كۆبونەوەیەكیان ئەنجامداوە بۆ بڕیاریدان لەسەر گواستنەوەی نێیمار و دوایین بڕیاری خۆیان داوە لە بارەی چۆنێتی پێشكەشكردنی دوایین گرێبەست بە یانەی پاریس سان جێرمان.

دوای رۆیشتنی كۆتینهۆ و پەیوەندیكردنی بە یانەی بایرن میونشی ئەڵمانییەوە، ئەو یانە ئیسپانیە هەوڵەكانی چڕتركردوەتەوە لە پێناو گواستنەوەی نێیمار بۆ ریزەكانی یانەكەی.
دەیانەوێت بە شێوەی خواستن ئەو یاریزانە بگوازنەوە لەگەڵ مافی كرینەوەی یاریزانەكە بە ناچاری

 

رۆژنامەكانی ئیسپانیا باس لەوە دەكەن، دوایین بڕیاری یانەی بەرشەلۆنە دوای كۆبونەوەی دوێنێی ئەندامانی دەستەی سەرۆكایەتی یانەكە ئەوەیە، دەیانەوێت بە شێوەی خواستن ئەو یاریزانە بگوازنەوە لەگەڵ مافی كرینەوەی یاریزانەكە بە ناچاری، ئەمەش بەهۆی ئەو قەیرانە دارییەوەیە كە بەرۆكی یانە ئیسپانییەكەی گرتوە.
یانەی پاریس سان جێرمان بەهای 180 ملیۆن یۆرۆی لەسەر گواستنەوەی نێیمار داناوە

 

یانەی پاریس سان جێرمان بەهای 180 ملیۆن یۆرۆی لەسەر گواستنەوەی نێیمار داناوە، یانەی بەرشەلۆنەش بەهۆی گرێبەستی گریزمانەوە توانای دابینكردنی ئەو بڕە پارەیەی نیە كە پاریس داوای دەكات.
ریاڵ مەدریدیش چاوەڕوانی شكستی گفتوگۆكانی نێوان هەردو یانە دەكات و ئامادەیە گرێبەستێك بە بەهای 180 ملیۆن یۆرۆ پێشكەشی پاریس بکات 

 

هاوکات یانەی ریاڵ مەدریدیش چاوەڕوانی شكستی گفتوگۆكانی نێوان هەردو یانە دەكات و ئامادەیە گرێبەستێك بە بەهای 180 ملیۆن یۆرۆ پێشكەشی یانەی پاریس سان جێرمان بكات لە پێناو گواستنەوەی نێیمار. 


Copyright © 2016 Xendan.org all rights reserved

designed and developed by AVESTA GROUP