بەڤیدیۆ..ژنێك خەسوی دەخنكێنێت

- 8/19/2019 10:43:00 PM 110272 جار خوێندراوەتەوە

خەندان-

هاوڵاتییەكی عێراقی كە كاری شۆفێری دەكات رایدەگەیەنێت، هاوژینەكەی دایكی خنكاندوە.

شبكة هلا بغداد، كەدەزگایەكی راگەیاندنی عێراقی سەربەخۆیەو وەك خۆیان دەڵێن لەلایەن كۆمەڵێك گەنجی رۆشنبیرەوە سەرپەرشتی دەكرێت، ڤیدیۆی چاوپێكەوتنی رۆژنامەنوسێكی لەگەڵ هاوڵاتییەكی بەغداد بڵاوكردوە و تیایدا ئەو هاوڵاتییە هاوژینەكەی تۆمەتبار دەكات بە خنكاندنی دایكی.

كاری شۆفێرییە بۆ دەرەوەی عێراق، دایكی لەلای هاوژینەكەی جێهێشتوە كاتێك سەفەری كردوە

 

وەك لە گرتە ڤیدیۆییەكەدا دەردەكەوێت، ئەو هاوڵاتییە رایگەیاندوە كە پیشەی ئەو كاری شۆفێرییە بۆ دەرەوەی عێراق، دایكی لەلای هاوژینەكەی جێهێشتوە كاتێك سەفەری كردوە، بەڵام هەركاتێك گەڕاوەتەوە ماڵەوە شوێنی ئەشكەنجە بە جەستەی دایكییەوە دیار بوە.

تێك گومانی لا دروست بوە لەسەر هەڵسوكەوتی ژنەكەی بەرامبەر دایكی، كامێرای چاودێری لەناو تەواوی ماڵەكەدا بۆ داناوە

 

ئەو هاوڵاتییە كە بەوتەی خۆی خاوەنی شەش منداڵە كە چواریان كچن لە هاوژینەكەی دەڵێت،"هەركات لەبارەی شوێنەواری ئەشكەنجەی جەستەی دایكمەوە پرسیارم لە هاوژینەكەم كردوە پێی وتویەتی شوێنەواری دەستییەتی كاتێك دایكی گواستوەتەوە و شوێنگۆڕكێی پێ كردوە شوێنەوارەكانی بەجەستەیەوە ماوەتەوە. بەڵام دایكی بەهۆی كوژرانی دو كوڕی لە شەڕی داعش توشی نەخۆشی بیرچونەوە بوەو بەو هۆیەوە نەیتوانیوە هۆكاری شینبونەوەی جەستەی بە كوڕەكەی بڵێت"

هاوژینەكەی لەڕێگەی سەرینەوە دایكی خنكاندوە

 

وەك ئەو هاوڵاتییە باسی دەكات، كاتێك گومانی لا دروست بوە لەسەر هەڵسوكەوتی ژنەكەی بەرامبەر دایكی، كامێرای چاودێری لەناو تەواوی ماڵەكەدا بۆ داناوە، لە كاتی گەڕانەوەی لە سەفەرێكیدا، دایكی كۆچی دوایی كردوە، دواتر سەیری كامێرا چاودێرییەكەی كردوەتەوە و بینیویەتی هاوژینەكەی لەڕێگەی سەرینەوە دایكی خنكاندوە"

ئەو هاوڵاتیە داواش لە سەرۆكوەزیرانی عێراق و بەرپرسانی دیكەی حكومەت دەكات كە ئەو زوڵمە قبوڵ نەكەن و مافەكەی بۆ بگەڕێننەوە.

 

 


Copyright © 2016 Xendan.org all rights reserved

designed and developed by AVESTA GROUP