ئەمریکا موشەکێکی قەدەغەکراو تاقیدەکاتەوە

- 8/19/2019 10:37:00 PM 9721 جار خوێندراوەتەوە

خەندان-
سوپای ئەمریکا موشەکێکی زەمینی تاقیکردەوە کە بەپێی رێکەوتنی کۆنترۆڵکردنی موشەکی ئەتۆمی نێوان روسیا و ئەمریکا قەدەغەکراوە.

بەپێی هەواڵێکی روسیا تودەی، ئەمڕۆ دوشەممە سوپای ئەمریکا موشەکێکی زەمینی تاقیکردۆتەوە کە بەپێی رێکەوتنی کۆنترۆڵکردنی موشەکی ئەتۆمی نێوان روسیا و ئەمریکا قەدەغەکراوە.
موشەکەکە 500 کیلۆمەتر فڕیوە و ئامانجەکەی خۆی پێکاوە

بەگوێرە زانیارییەکانی وەزارەتی بەرگری ئەمریکا موشەکەکە 500 کیلۆمەتر فڕیوە و لەدورگەی سان نیکۆلاسی کالیفۆرنیا بەسەرکەوتویی تاقیکراوەتەوە.

وەزارەتی بەرگری ئەمریکا راشیگەیاندوە موشەکەکە لەدوری 500 کیلۆ مەتر ئامانجەکەی خۆی پێکاوە. 

بەپێی رێکەوتنی کۆنترۆڵکردنی موشەکە مامناوەند و درێژ مەوداکان کە لەساڵی 1987 لەنێوان روسیا و ئەمریکا واژۆکراوە، ئەو موشەکانەی مەودای رۆشتنیان لەنێوان (500-5000) کیلۆمەتردایە قەدەغەکراوە، رێکەوتنەکەش لەپێناوی هێورکردنەوەی جەنگی ساردی نێوان ئەمریکا و روسیا ئەنجامدرا. 

مانگی شوباتی ئەمساڵ ئەمریکا بەفەرمی کشانەوەی خۆی لەرێکەوتنەکە راگەیاندو حکومەتی روسیاشی بەدروستکردنی چەند سیستمێکی موشەکی تۆمەتبارکرد کە رێکەوتنەکەی قەدەغەی کردوە.

نیشانەکردن :

#ئه‌مریكا

Copyright © 2016 Xendan.org all rights reserved

designed and developed by AVESTA GROUP