مامۆستا هەڵۆ سەردانی ماڵی ماریا هەورامی دەکات

- 8/19/2019 11:11:00 AM 21839 جار خوێندراوەتەوە

خەندان-

مامۆستا هەڵۆ رایگەیاند، سەردانی ماڵی خاتو ماریا هەورامی کردوە و وەکو کوڕی خۆیان پێشوازیان لێکردوە، دەشڵێت، "کە لە نزیکەوە ناسیمن هێندەی تر پەشیمان بومەوە لەو قسە نەشیاوەی کە کردم، لەو قسە ناشەرعیەی کە کردم".

من کە لە نزیکەوە ناسیمن  هێندەی تر پەشیمان بومەوە لەو قسە نەشیاوەی کە کردم

 

مامۆستا هەڵۆ حەمەڕەشید لە ڤیدیۆیەکدا لە فەیسبوکی خۆی بڵاویکردەوە، "سەردانی ماڵی ماریا خاتونمان کردوە و وەکو کوڕی خۆیان پێشوازیان لێکردوم، من کە لە نزیکەوە ناسیمن  هێندەی تر پەشیمان بومەوە لەو قسە نەشیاوەی کە کردم، لەو قسە ناشەرعیەی کە کردم، چونکە بەراستی شایانی ئەوەن رێزیان لێبگیرێت، دایک و کۆمەڵێک خوشک و برای بەڕێز  کە یەکێک لە براکانی خوێندکاری خۆم بوە".

 ئەو لەفزەی بەکارمهێنا بەهیچ شێوەیەک گەردنی کەسێک ئازاد ناکەم بەکاریبهێنێتەوە بەرامبەر بەو خاتونە

 

ئاماژەی بەوەشکرد، "رێزێکی تایبەتیان لێگرتم و منیش زۆر سوپاس و رێزی و پێزانینم هەبو بۆیان، ئەو لەفزەی بەکارمهێنا بەهیچ شێوەیەک گەردنی کەسێک ئازاد ناکەم بەکاریبهێنێتەوە بەرامبەر بەو خاتونە، چونکە ئەو لەفزە تاقیامەت بەکاربهێنرێت من گوناهبارم، وە کێ منی خۆش ئەوێت ئەو لەفزە بەکارنەهێنێتەوە".

مامۆستا هەڵۆ حەمەڕەشید دەشڵێت، "خوای پەروەردگار خۆشی ویستم کە هیچ کەس لە خێزانەکەی ئەواندا توشی کێشەی نەبو، کێشەی دەرونی یاخود کێشەی تەندروستی، چونکە بەراستی دایکی ماریا خاتون پیرە و زەخت و شەکرەی لەگەڵدا بو، زۆر ناڕەحەت بو بەم بابەتە، خوای پەروەردگار منی خۆش ویست کە شتێکی لێنەهات".

داواکارم هیچ کەسێک ئیدی نان و پیاز بەم بابەتەوە نەخوات، من بنەماڵەی ئەوان بە بنەماڵەی خۆم دەزانم

 

راشیگەیاندوە، "داواکارم هیچ کەسێک ئیدی نان و پیاز بەم بابەتەوە نەخوات، من بنەماڵەی ئەوان بە بنەماڵەی خۆم دەزانم، وە رێز و ئیحترامێکیان لێگرتم کە شایانی باسکردنە و شایانی رێز لێگرتنە".

ئەوان خۆیان دەزانن کە گۆرانی ناشەرعیە، بەڵام هەندێک کەس دەیانویست بۆیان بشەرعێنن وە دەیانویست بۆ هەمو میللەتی بشەرعێنن، ئینشااللە شتی وا دوبارە ناببێتەوە

 

مامۆستا هەڵۆ باس لەوەشدەکات، "ئەوان خۆیان دەزانن کە گۆرانی ناشەرعیە، بەڵام هەندێک کەس دەیانویست بۆیان بشەرعێنن وە دەیانویست بۆ هەمو میللەتی بشەرعێنن، ئینشااللە شتی وا دوبارە ناببێتەوە، ئێمە هەڵەیەکی لەفزی لەدەممان دەرچو، پێغەمبەر (د.خ) فێری کردوین کە پەشیمان ببینەوە لێی کە دەفەرموێت هەمو ئینسانێک هەڵە دەکات، باشترین هەڵەکەرەکانیش ئەو کەسانەن کە تۆبە دەکەن".

 بەداخەوە کۆمەڵێک پەیج کە هی کۆمەڵێک لایەنی  بەناو ئیسلامین و یەکەمین کەسیش بون ئەو بەشەی دەنگەکەیان بڵاوکردەوە

 

مامۆستا هەڵۆ ئەوەش وت، "کۆمەڵێک گروپ و کەس و لایەن لە پشتەوە بون، بەداخەوە کۆمەڵێک پەیج کە هی کۆمەڵێک لایەنی  بەناو ئیسلامین و یەکەمین کەسیش بون ئەو بەشەی دەنگەکەیان بڵاوکردەوە، وەمن گەردنی هیچ کەسێک ئازادناکەم کە بچوکترین قسەی من دزەپێدەکات بۆ ناو کۆمەڵگە، جارێکی تر هەرکەسێک دەنگی من دزە پێبکات لە دنیا و قیامەت یەخەی دەگرم و ئەو کارە قێزەونەی لێقبوڵ ناکەم".



Copyright © 2016 Xendan.org all rights reserved

designed and developed by AVESTA GROUP