ئەنگێلا مێرکڵ: ئامادەین بۆ جیابونەوەی بریتانیا لە یەکێتی ئەوروپا

- 8/19/2019 10:02:00 AM 3437 جار خوێندراوەتەوە

خەندان-

راوێژکاری ئەڵمانیا رایگەیاند، بەرلین ئامادەیە بۆ هەمو پێشهاتەکانی جیابونەوەی بریتانیا لە یەکێتی ئەوروپا، "ئەنجامەکە هەرچۆنێک بێت".
رۆژی چوارشەممەی داهاتو لەگەڵ بۆریس جۆنسن، سەرۆک وەزیری بریتانیا گفتوگۆ لەسەر جیابونەوەی ئەو وڵاتە دەکەن

 

بەپێی ئاژانسی رۆیتەرز، ئەنگێلا مێرکڵ، راوێژکاری ئەڵمانیا رایگەیاندوە، رۆژی چوارشەممەی داهاتو لەگەڵ بۆریس جۆنسن، سەرۆک وەزیری بریتانیا گفتوگۆ لەسەر جیابونەوەی ئەو وڵاتە دەکەن لە یەکێتی ئەوروپا.
ئامادەین بۆ هەر ئەنجامێک، دەتوانین ئەوە بڵێین تەنانەت بەبێ هیچ رێککەوتنێکیش

 

ئاماژەی بەوەشکرد، "ئامادەین بۆ هەر ئەنجامێک، دەتوانین ئەوە بڵێین تەنانەت بەبێ هیچ رێککەوتنێکیش، بەڵام لە هەمو حاڵەتێکدا هەوڵدەدەم تاوەکو کۆتا ڕۆژی دانوستانەکان چارەسەر بدۆزمەوە".

جۆنسن هەوڵدەدات رابەرانی یەکێتی ئەوروپا رازی بکات گفتوگۆکان دەست پێبکەنەوە یاخود بەرگەی ئەنجامی جیابونەوەکە بگرن، ئەوەش لەکاتێکدا ئەگەر بریتانیا بەبێ رێککەوتن جیاببێتەوە.
جیابونەوە بە رێککەوتنێک هەمیشە باشترە، بەڵام ئەگەر بەو شێوەیە نەبێت، ئامادەین بۆ بەدیلەکەش

 

مێرکڵ وتیشی، "پێموایە جیابونەوە بە رێککەوتنێک هەمیشە باشترە، بەڵام ئەگەر بەو شێوەیە نەبێت، ئامادەین بۆ بەدیلەکەش".


Copyright © 2016 Xendan.org all rights reserved

designed and developed by AVESTA GROUP