"ئەو کەسانەى لە تورکیا دەژین، ناتوانن بڵێن، لە ژێر چەتری یاساداین"
هاسەرۆکی شارەوانیى ئامەد: لە تورکیا دەست بەسەر ئیرادەى گەلدا گیراوە

- 8/19/2019 9:28:00 AM 1185 جار خوێندراوەتەوە

خەندان-

هاوسەرۆک شارەوانیى گەورە شاری ئامەد لەلایەن دەسەڵاتى ئاکەپە و مەهەپەوە لەسەر کارەکەى دورخرایەوە و لە شوێنەکەیدا قەیومێک-یان دانا، مزراکلی رایگەیاند، دەست بەسەر ئیرادەى گەل دا گیراوە.

سەلجوق مزراکلی، هاوسەرۆک شارەوانیى گەورە شاری ئامەد لەلایەن وەزارەتى ناوخۆی دەوڵەتى تورکیەوە لەسەر کارەکەى دورخرایەوە و لە شوێنەکەیدا قەیومێک دەستبەکاربو.
هیچ ئاگادارکردنەوەیەکم بە دەست نەگەیشتوە

 

مزراکلی لەبارەى دورخستنەوەکەیەوە رایگەیاند، "هیچ ئاگادارکردنەوەیەکم بە دەست نەگەیشتوە، کاتژمێر 6:00ی ئەم بەیانییە دەرگاى شارەوانییەکەیان شکاندوە و چونەتە ناو بینای شارەوانییەکە".
ئەو دۆخە و ئەو کارە لە دژی یاسا و مافەکانە، ئێمە ئەوە دەزانین کۆمەڵگە لە روی دیموکراسی و بەها حقوقی و یاسایەکانەوە گەیشتوەتە ئاستێکى باڵا


ئاماژەی بەوشەکردوە، "ئەو دۆخە و ئەو کارە لە دژی یاسا و مافەکانە، ئێمە ئەوە دەزانین کۆمەڵگە لە روی دیموکراسی و بەها حقوقی و یاسایەکانەوە گەیشتوەتە ئاستێکى باڵا، بۆیە ئەو بڕیار و هەڵوێستە نە پشتبەستوە بە دەستوری بنەڕەتى و نە پشتبەستوە بە هەڵبژاردن".
هەمو ئەو کەسانەى لە تورکیا دەژین، هیچ کەسێکیان ناتوانێت بڵێت، من لە ژێر چەتری حقوق و یاسادام

 

مزراکلی بانگەوازی بۆ گەلانى تورکیا کرد و وتى، "هەمو ئەو کەسانەى لە تورکیا دەژین، هیچ کەسێکیان ناتوانێت بڵێت، من لە ژێر چەتری حقوق و یاسادام، دەبێت مرۆڤ ئەو بڕیار و هەڵوێستە لە دژی شارەوانییەکانى هەدەپە بە بڕیار و هەڵوێستی دژ بە ئۆپۆزسیۆنى دیموکراتیک بزانێت، ئیرادەى گەل دەستى بەسەردا گیراوە".


Copyright © 2016 Xendan.org all rights reserved

designed and developed by AVESTA GROUP