بەپەلە

ناکۆکی نێوان مامۆستا فاتح شارستێنی و مامۆستا هەڵۆ حەمەرەشید چارەسەرکرا

- 8/18/2019 3:28:00 PM 15375 جار خوێندراوەتەوە

خەندان-

یه‌كێتی زانایانی ئایینی ئیسلامی كوردستان رایگەیاند، ناکۆکی نێوان مامۆستا فاتح شارستێنی و مامۆستا هەڵۆ حەمەرەشید چارەسەرکراوە.

 یه‌كێتی زانایانی ئایینی ئیسلامی كوردستان لە راگەیەندراوێکدا بڵاویکردەوە، "له‌سه‌ر راسپارده‌ی دكتۆر عه‌بدوڵڵا مه‌لا سه‌عید، سه‌رۆكی یه‌كێتییه‌كه‌، كێشه‌ی نێوان مه‌لا فاتیح شارستێنی و مه‌لا هه‌ڵۆ حەمە رەشید چاره‌سه‌ر كراوە".

ئاماژەی بەوەشکردوە، ئه‌مڕۆ 18ی ئابی 2019، هه‌ریه‌ك له‌ مه‌لا فاتیح و مه‌لا هه‌ڵۆ بانگهێشتنی لقی سلێمانی یەکێتی زانایان کران و كۆتایی به‌ كێشه‌ی نێوانیان هێنراوه‌.

یه‌كێتی زانایان راشیگەیاندوە، "مینبەر شوێنی کاردانەوە و قسەی نەشیاو نییە و ناکرێ بە توندی و زمانی هەڕەشە مامەڵە بکرێت، چونکە ئەمە لەگەڵ پەیامی ئیسلام یەکناگرێتەوە و زەمینەی ناحەزانی ئیسلام خۆش دەکات، لەو پەنایە توانج و قسەی ناشیرین بەرامبەر مینبەرو زانایان و گوتاری ئایینی دێتە ئاراوە".

ئەوەش خراوەتەڕو، "دواتر هەردو مامۆستا ئاشتکرانەوە و گەردەن ئازایی و لێبوردنیان ئاراستەی یەك کردو لە کەشێکی برایانە بڕیار درا جارێکی دیكه‌ شتی لەو شێوە دوبارە نەبێتەوە و لاپەڕەیەکی تازە بکەنەوە".



Copyright © 2016 Xendan.org all rights reserved

designed and developed by AVESTA GROUP