بەپەلە

حەسەن نەسروڵا: بەرپرسانی ئەمریكا لە پرسی شەڕ دژی ئێران پاشەكشەیان كردوە

- 8/17/2019 10:02:00 PM 2251 جار خوێندراوەتەوە

خەندان-

حەسەن نەسروڵا ئەمینداری گشتیی حزبوڵڵای لوبنان رایگەیاند، هەر جۆرە شەڕێک لە دژی ئێران تەواو ناوچەکە تێوەدەگلێنێت.

حەسەن نەسروڵا وتەیەكی لە كۆڕبەندی نەسر و كەرامە كە تایبەت بو بە ئاهەنگێڕان بۆ یادی سیانزە ساڵەی شۆڕشی 33 رۆژەی ساڵی 2006 ی لوبنان.
ئەگەر هەنگاو بنێنە هەر جێیەکی خاکی لوبنان، توشی هەمان چارەنووسی ساڵی 2006 دێن

 

لە وتەكەیدا نەسروڵا پەیامێكی ئاراستەی وڵاتانی رۆژئاوا كردو رایگەیاند،"ئەگەر هەنگاو بنێنە هەر جێیەکی خاکی لوبنان، توشی هەمان چارەنووسی ساڵی 2006 دێن و لە هەر جێیەک بیدۆڕێنن، لەوێ جەژن و خۆشی بەڕێوە دەچێت. ئەو حزبوڵڵایەی کە سەردەمانێک ئێوە بە دوای لە ناوبردنی بون، ئەمڕۆ بۆتە دەسەڵاتێکی ناوچەیی".

شەڕی 33 رۆژە ڕواڵەتی ڕاستەقینەی ئیسرائیلیەكانی دەرخست و ئەمڕۆ چیتر دڵنیانین کە بتوانن بەسەر لوبناندا سەربکەون

 

ئەمینداری گشتیی حزبوڵڵای لوبنان وتیشی،"شەڕی 33 رۆژە ڕواڵەتی ڕاستەقینەی ئیسرائیلیەكانی دەرخست و ئەمڕۆ چیتر دڵنیانین کە بتوانن بەسەر لوبناندا سەربکەون. حزبوڵا بەردەوام خوازیاری ئاشتی و سەقامگیریی ناوچەكە بوە و ئەوانەی ئێستا لە ناوچەكەدا تەپڵی شەڕ و ئاژاوە لێدەدەن نەتانیاهۆ و عەرەبستانی سعودی و ئیماراتن".

ئاماژەی بەوەشكرد، بەرپرسانی ئەمریكا لە پرسی شەڕی ئێران پاشەكشەیان كردوە و ئەوەشی وەكو دەستكەوتێك بۆ ئێران لەقەڵەمداو رایگەیاند،" هەر جۆرە شەڕێک لە دژی کۆماری ئیسلامی ئێران دەبێتە هۆی ئەوەی تەواوی ناوچەكە لە ئاگرەكەوە بگلێن"



Copyright © 2016 Xendan.org all rights reserved

designed and developed by AVESTA GROUP