پۆلیسی توركیا 27 ئەندامی هەدەپە دەستگیردەكات

- 8/16/2019 8:27:00 AM 890 جار خوێندراوەتەوە

خەندان-

پۆلیسی توركیا لە هەڵمەتێكدا لە شارەكانی باكوری كوردستان 27 ئەندامی پارتی دیموكراتی گەلان(هەدەپی)ی دەستگیركرد.

بەپێی ئاژانسی فورات نیوز، پۆلیسی توركیا، هەڵمەتێكی دەستگیركردنی ئەندامانی پارتی دیموكراتی گەلان (هەدەپە)ی دەستپێكردوە و لەو چوارچێوەیەدا لە چەند ناوچەیەكی جیاوازی پارێزگای مێردین حەوت ئەندامی (هەدەپە)ی دەستگیركردوە.

هەر بەپێی هەواڵەكە، لە پارێزگای شرناخ لە باكوری كوردستان، پۆلیسی توركیا شەش ئەندامی پارتی دیموكراتی گەلان (هەدەپە)ی دەستگیركردوە و سەرجەمیان براونەتە بەڕێوەبەرایەتی پۆلیسی شارەكە.

ئاژانسەكەی راشیگەیاندوە، لە پارێزگای ئیزمیر لە باكوری كوردستان، چونەتە سەر ماڵی (محەمەد گوڵ)ی هاوسەرۆکی هەدەپە لە ناوچەی (نارلدەرە) و چوار ئەندامی دیكەیان دەستگیركرد و ، هاوکات 13کەس بەتۆمەتی بانگەشەی 'ئەندامیەتی ڕێکخستن' دەستگیرکران."


Copyright © 2016 Xendan.org all rights reserved

designed and developed by AVESTA GROUP