بە گێچەڵی سێکسی تۆمەتبارکراوە
دادگای تەکساس زیاتر لە دو ملیۆن دۆلار سزای بەسەر مامۆستایەکی ئاینیدا سەپاند

- 8/15/2019 9:42:00 AM 16935 جار خوێندراوەتەوە

خەندان-

دادگای تەکساس بریاریدا بەسزادانی مامۆستایەکی ئاینی مسوڵمان، ئەوەش دوی ئەوەی بە تۆمەتی گێچەڵی سێکسی بە مێرمنداڵێک  دادگای کرا.

دەبێت بڕی 2 ملیۆن و 550 هەزار دۆلار وەک قەرەبو بدات بە کچە مێرمنداڵەکە


بەگوێرەی بڕیارەکەی دادگا، شێخ زیائول حەق، دەبێت بڕی 2 ملیۆن و 550 هەزار دۆلار وەک قەرەبو بدات بە کچە مێرمنداڵەکە لە بەرامبەر ئەشکەنجەدانی دەرونی و گێچەڵی سێکسی بە قوربانیەکە.

 لە تەمەنی 13ساڵیدا بە مەبەستی ئامۆژگاری دەرونی و ئاینی سەردانی کردوە

 

بەگوێرەی راپۆرتەکان، زیائول حەق ماوەی پێنج ساڵ ئەشکەنجەی دەرونی ئەو مێرمنداڵەی داوە و دەستدرێژی کردوەتوە سەر، کاتێک لە تەمەنی 13ساڵیدا بە مەبەستی ئامۆژگاری دەرونی و ئاینی سەردانی کردوە.

باوەربەخۆبونی لەدەستداوە و ملکەچی هەمو داوکاریەکانی تۆمەتبارەکە بوە

 

ئاماژە بەوەشدراوەقوربانیەکە کە بە ناوی خواروی جەین دۆن-ەو ناویبراوە( جەین دۆن و جۆن دۆن ناوی خوارو لە کاتی شاردنوە شوناسی کەسەکان بەکاردەهێنرێت)، ئەشکەنجەی دەرونی دراوە، بەشێوازێکی باوەربەخۆبونی لەدەستداوە و ملکەچی هەمو داوکاریەکانی تۆمەتبارەکە بوە.
بەداخەوە  یاسا لەم ولاتە لە بەرژەوەندی راستیدا نیە

 


لایخۆشیەوە زیائول حەق بڕیارەکەی دادگا بە نارەوا لەقەڵمدەدات و دەڵێت" بەداخەوە  یاسا لەم ولاتە لە بەرژەوەندی راستیدا نیە".

دادگا لەسەر  ئەو کەسانە دەکاتەوە کە زۆرترین پارەیان پێیە

 

بەگوێرەی قسەکانی تۆمەتبارەکە، لەبەر ئەوەی پارەی تەواوی پێنەبوە تا بیدات بە پارێزەرەکەی تا بەرگری لێ بکات" دادگا لەسەر  ئەو کەسانە دەکاتەوە کە زۆرترین پارەیان پێیە، پارێزەری باش بەکرێدەگرن".



Copyright © 2016 Xendan.org all rights reserved

designed and developed by AVESTA GROUP