سەرۆکی پەرلەمانی کوردستان لەسەر کێشەکەی مەلا هەڵۆ و ماریا هەورامی هاتە دەنگ

- 8/14/2019 10:45:00 PM 70709 جار خوێندراوەتەوە

خەندان-

ئەمڕۆ سەرۆکى پەرلەمان لەسەر کێشەى نێوان مەلا هەڵۆ و ماریا هەورامی هاتە دەنگ و پەشیمانی مەلا هەلۆ بەرزدەنرخێنێت و دەشڵیت" داننان بە هەڵەدا، گەورەییە".

بۆچونی زانایەکی ئاینیە کە بەهۆیەوە مشتومرێکی زۆری لێکەوتەوە 

 

بڵاوبونەوەى کلیپە نوێیەکەى ماریا هەورامى، کە لە ماوەى 3 ڕۆژدا زیاد لە یەک ملیۆن کەس تەماشایان کردوە، کاردانەوەی جیاوازی بەدوای خۆیدا هێنا، دیارترینیشیان بۆچونی زانایەکی ئاینیە کە بەهۆیەوە مشتومرێکی زۆری لێکەوتەوە لە ناو بەکارهێنەرانی تۆڕە کۆمەڵایەتیەکاندا.

 داننان بە هەڵەدا، گەورەییە، ئەسڵ ئەوەیە ئازادی ڕادەربڕین بۆ هەموان فەراهەم بێت

 

 

لە پۆستێکیدا رێواز فایەق کە لە پێگەی فەرمی خۆی لە تویتەر بڵاویکردوەتەوە، دەڵێت" داننان بە هەڵەدا، گەورەییە، ئەسڵ ئەوەیە ئازادی ڕادەربڕین بۆ هەموان فەراهەم بێت".

 پیاوی ئایینی دەبێت لەهەمو هەلومەرجێکدا گوڵاوپرژێنی ڕۆحی گوێگرەکانی بکات

 

 

"بەڵام پیاوی ئایینی دەبێت لەهەمو هەلومەرجێکا گوڵاوپرژێنی ڕۆحی گوێگرەکانی بکات، وشە و دەستەواژەکانی جوان و ئارامی بەخش بن" رێواز فایەق وای نوسیوە.

لێبوردنیش جوانی خۆی هەر هەیە

 

لەبەشێکی دیکەی نوسینەکەیدا داوای لێبوردنی مەلا هەڵۆ و پەشیمانی لە دەربرینی وشەی نەشیاو بەرز دەنرخێنێت و دەشڵێت " لێبوردنیش جوانی خۆی هەر هەیە".



Copyright © 2016 Xendan.org all rights reserved

designed and developed by AVESTA GROUP