مەلا بەختیار لە روسیا سەری بۆ تەرمی مۆمیاکراوی لینین نەوی کردوە

- 8/14/2019 9:32:00 PM 76132 جار خوێندراوەتەوە

خەندان-

مەلا بەختیار، لێپرسراوی دەستەی كارگێڕیی مەكتەبی سیاسیی یەكێتیی نیشتمانیی كوردستان، رایدەگەیەنێت سەردانی وڵاتی روسیای کردوە و لەوێ سەری بۆ تەرمەکەی شۆڕشگێڕی کۆمۆنیستی نەوی کردوە .

سۆزو باوەڕی جارانم، سەری بەرامبەر تەرمی مۆمیاکراوی (هاوڕێ لینین) پێ نەوی کردم

 

مەلا بەختیار لە نوسینێکیدا کە لە تۆڕی کۆمەڵایەتی فەیسبوک بڵاویکردوەتەوە  نوسیویەتی"گەشتەکەم، لەسەردانی ئارامگای لینینەوە، دەستپێکرد، سۆزو باوەڕی جارانم، سەری بەرامبەر تەرمی مۆمیاکراوی (هاوڕێ لینین) پێ نەوی کردم و سڵاوێکی پڕ لەڕێزیشم لێکرد".

مۆسکۆی لینین و مۆسکۆی پوتین، هەم زەمان و زەمینەکەی و هەم سیستەم و حوکمڕانییەکەی، گەلێک جیاوازە

 

بەوتەی خۆی، راماوە لەڕێبازی رابردوی و بیرێکی لەئێستای روسیا و مۆسکۆ کردوەتەوە، "مۆسکۆی لینین و مۆسکۆی پوتین، هەم زەمان و زەمینەکەی و هەم سیستەم و حوکمڕانییەکەی، گەلێک جیاوازە" مەلا بەختیار وای نوسیوە

کە گەڕامەوە لە کوردستانی نوێ-دا، بەراوردکاری هەستی ئێستام و هەڵوێستی ئەوسام دەنوسم

 

ئاماژەی بەوەشداوە، یەکەم جاریەتی سەردانی روسیا بکات و  کە گەڕایەوە لە "کوردستانی نوێ"دا، بەراوردکاری هەستی ئێستای و هەڵوێستی ئەوسای دەنوسێت


لینین کێیە؟

ڤلادیمیر ئیلیچ لێنین،  تیۆریساز و شۆڕشگێڕی کۆمۆنیستی، ڕابەڕی ڕاپەڕینی ساڵی 1917 و دامەزرێنەری یەکێتیی سۆڤیەتی سۆسیالیستی بو، ھاوبەشیەکانی لە زانستی ڕامیاریدا، کە بە لێنینیزم دەیناسن، شیکردنەوە و گەشەپێدانێکە لە تیۆریای مارکسیستی بۆ وەرگرتنەوەی دەسەڵاتداری لە ئیمپراتۆری خاوەن زەوییەکان، لە ئەو سەردەمی ڕووسیادا، لە ساڵی 1988، گۆڤاری تایم، لێنین بە یەکێک لە100  کەساییەتی کاریگەر لەسەر کۆمەڵگا لە سەدەی بیستەم زانی.



Copyright © 2016 Xendan.org all rights reserved

designed and developed by AVESTA GROUP