هێزەکانی رژێمی سوریا پێنج گوندی دیکەیان لەژێر رکێفی ئۆپۆزسیۆن دەرهێنا

- 8/14/2019 8:36:00 PM 1667 جار خوێندراوەتەوە

خەندان-

هێزەکانی حکومەتی سوریا لە لەشکرکێشیەکانیان بۆ ناوچەکانی ژێر دەسەڵاتی هێزی ئۆپزسۆنی سوریا بەردەوامن، پێنج گوندی دیکەیان لەژێر رکێفیان دەرهێنا.

بەگوێرەی سەرچاوەکانی هەواڵی سوریا، سوپای رژێمی سوریا بە پاڵپشتی روسیایی هاوپەیمانی زیاتر بەرەو ئەو ناوچانە لەشکرکێشیان کردوە کە پێشتر پێگەی سەرەکی هێزەکانی ئۆپۆزسیۆن بون و لەلایەن رژێمەی سوریاوە بە چەکی کیمیایی بۆردومان کرابو.


ئەو پێنج گوندەی دەستیان بەسەرداگرتون، بریتین لە، تێل عاس، خربەت مورشید، ئومزەیتون، مانتار و کفار عەین، بەوەش هێزەکانی سوریا پێنج کیلۆمەتری دیکە دەچنە ناو قوڵای مۆلگەی سەرەکی و کۆتایی  هێزی ئۆپۆزسیۆن.

لە ئێستادا هەریەکە لە ئەمریکا، فرەنسا و بریتانیا سوریا و روسیای هاوپەیمانی بەوە تۆمەتباردەکەن کە چەکی کیمیایی بەکارهێناوە لە هێرشەکانیدا دژی هێزی هاوپەیمانان، بەڵام هەردولا ئەو تۆمەتانە رەتدەکەنەوە.


Copyright © 2016 Xendan.org all rights reserved

designed and developed by AVESTA GROUP