کلچدارئۆغلو: خەڵکی تورکیا لە پرۆسەی هەڵبژاردن بێزاربوە

- 8/14/2019 4:16:00 PM 1263 جار خوێندراوەتەوە

خەندان-

 

کەمال کڵچدارئۆغلو، سەرۆکی پارتی کۆماری گەلان-ی تورکیا رایدەگەیەنێت، خەڵکی تورکیا لە پرۆسەی هەڵبژاردن بێزاربون.

پارەتەکەی ئەو فشار ناکات بۆ ئەنجامدانی هەڵبژاردنی پێشوەختە


کلڵچدارئۆغلو ئاماژەشی بەوەدا، پارەتەکەی ئەو فشار ناکات بۆ ئەنجامدانی هەڵبژاردنی پێشوەختە، ئەوەش سەرەرای لێکترازانی  پارتی داد و گەشەپێدان و دروستبونی درزی ناوخۆیی سیاسی لەناو ئەو پارتەدا، کە وەک هەلێک بۆ پارتە ررکابەرەکانی دەبینرێت.

ئەنجامدانی هەڵبژاردنی پێشوەختە لە بەرژەوەندی خواستەکانی گەلی تورکیا نابێت

 

سەرۆکی جەهەپە، جەختی لەوە کردەوە لە ئێستادا کە تورکیا بە چەندین قەیرانی ئابوری سەختدا تێپەر دەبێت، ئەنجامدانی هەڵبژاردنی پێشوەختە لە بەرژەوەندی خواستەکانی گەلی تورکیا نابێت.

 کێشە ئابوریەکان لە هەڵچونی بەردوامدان و رێژەی بێکاری لە زیادبونێکی کارەساتباردایە

 

"ڕەوا نیە، بیر لە هەڵبژاردنی پێشوەختە بکرێتەوە لە کاتێکدا کێشە ئابوریەکان لە هەڵچونی بەردوامدان و رێژەی بێکاری لە زیادبونێکی کارەساتباردایە" کلچدارئۆغلو وای وت.

بە هەڵبژاردنی شارەوانیەکانی تورکیا کە لە مانگی ئازاری ئەمساڵدا ئەنجامدرا، دوبارە کردنەوەی هەمان هەڵبژاردن لەژێر فشاری پارتی دەسەڵاتداری تورکیا، لە ماوەی  پێنج ساڵی رابردودا، هەشت هەڵبژاردن لە تورکیادا ئەنجامدراوە.

هەڵبژاردنی نیشتیمانی تورکیا کە لە مانگی کانونی دوەمی 2015 دا ئەنجامدرا، هەڵبژاردنی پێشوەختەبو ئەوەش دوای ئەوەی لە مانگی تەموزی هەمان ساڵدا پرۆسەی هەڵبژاردن شکستی هێنا لە بەدەستهێنانی کورسی تەواو بۆ دروستکردنی فراکسیۆنی زۆرینە لەناو پەرلەمانی تورکیادا، هەڵبژاردنی سەرۆکایەتی و پەرلەمانی 2018 ش بەهەمان شێوە هەڵبژاردنی پێشوەختەبون، لە سەر خواست و فشاری پارتی داد و گەشەپێدانی تورکیا و مەهەپەی هاوپەیمانی ئەنجامدرا.

ئەوە لە کاێکدایە، بەهۆی شکستی پارتی ئاکەپە و مەهەپەی هاوپەیمانی لە هەڵبژاردنی شارەوانیەکانی تورکیا، کە تیایدا پارتەکەی کڵچدارئۆغلو لە کۆی شەش شارەوانی پێنج گەورە شارەوانی تورکیایان بردەوە، ئەگەر و دەنگۆی دوبارەکردنەوەی هەڵبژاردنە خۆجێیەکانی تورکیا لە ئارادایە.



Copyright © 2016 Xendan.org all rights reserved

designed and developed by AVESTA GROUP