36 چەکداری حوسییەکانی یەمەن کوژران

- 8/14/2019 2:20:00 PM 1185 جار خوێندراوەتەوە

خەندان-
سوپای یەمەن بڵاویکردەوە لەماوەی 48 کاتژمێری رابردودا 36 چەکداری حوسییەکانی یەمەن کوژراون کە بەشێکیان بەرپرسی باڵا بون.

بەپێی هەواڵێکی ئەلعەرەبییە، ئەمڕۆ چوارشەممە سوپای یەمەن بڵاویکردەوە لەماوەی 48 کاتژمێری رابردودا 36 چەکداری حوسییەکانی یەمەن کوژراون کە 10 یان سەرکردەی بەرەی نەحم بون.

بەگوێرەی ئاژانسی هەواڵی سعودیەش رێژەی کوژراوانی چەکدارانی حوسی زیاترە و گەشتۆتە 70 کوژراو.

ئاژانسەکە ئاماژەی بەوەش کردوە، شەڕەکە لەنێوان هاوپەیمانێتی عەرەب بەسەرۆکایەتی سعودیە و میلیشیا حوسییەکاندا لەناوچەی مۆرایس رویداوە و فەرماندەیەکی مەیدانی کوژراوە.

ئەم هەواڵە لەکاتێکدایە دپلۆماتکارانی سعودیە و ئیمارات و بریتانیا لەلەندەن لەکۆبونەوەدان بۆ تاوتوێکردنی پرسی یەمەن. 

نیشانەکردن :

#یه‌مه‌ن

Copyright © 2016 Xendan.org all rights reserved

designed and developed by AVESTA GROUP