هەواڵی ئەمڕۆ

بەپەلە

بە وێنە..خەندان زانیاری زیاتر دەربارەی روداوەكەی دەربەندیخان بڵاودەكاتەوە

- 8/11/2019 6:58:00 PM 10342 جار خوێندراوەتەوە

خەندان-

پاشنیوەڕۆی ئەمڕۆ ئۆتۆمبێلێك لە جۆی تاكسی كەوتە ناو دەریاچەی دەربەندیخان و بەهۆیەوە دایك و كوڕێك گیانیانلەدەستدا.

نەقیب رێژەن بورهان، بەڕێوەبەری هاتووچۆی قەزای دەربەندیخان بە خەندان-ی راگەیاند "پاشنیوەڕی ئیمڕۆ كاتژمێر 3 ئۆتۆمبێلێكی تاكسی لە جۆری نیسان سەنی وەرگەڕا و كەوتە ناو دەریاچەی دەربەندیخانەوە".

بەپێی وتەی بەڕێوەبەری هاتوچۆی دەربەندیخان، هۆكاری روداوەكە خراپی رێگەكە و لە هەمانكاتدا تیژڕەوی ئۆتۆمبێلەكە بوە، كە بوەتە هۆی خنكانی شۆفێری تاكسیەكە و سەرنشینێك كە ژنێكی بەتەمەن بوە.

هاوكات سەرچاوەیەكیش بە خەندان-ی راگەیاند "روداوەكە لە ڕێگای شەمێران نزیک ناوچەی گەشتیاری بان قۆین رویداوە و شۆفێری ئۆتۆمبێلەكە كۆنترۆڵی لەدەستداوە".

بەپێی ئەو سەرچاوەیەی وردەكاری هەواڵەكەی بۆ خەندان ناردوە، "پاش روداوەكە تیمەكانی غەواس و بەرگری شارستانی تەرمی گەنجێك و ژنێكی بەتەمەنیان لە دەریاچەكە دەرهێناوە و پۆلیس و هاتوچۆ و ئاسایش سەرقاڵی دەرهێنانی ئۆتۆمبێلەکەو سەرنشینەکانن لەنێو دەریاچەکەدا".

ئاماژەی بەوەشكردوە "شۆفێرەكە كوڕێكی گەنجە بە ناوی (گ.ع) و تەمەنی لەنێوان 25 بۆ 30 ساڵیدا دەبێت و ژنەكەش بە ناوی (م.ڕ) كە تەمەنی لەنێوان 60 بۆ 65 ساڵیدا دەبێت و دایكی شۆفێرەكەیە".

لە بەشێكی دیكەی زانیاریەكانیدا ئەو سەرچاوە هەواڵیە رایگەیاندوە "تا ئێستاش تیمەكانی بەرگی شارستانی و ئاسایش سەرقاڵی گەڕانن بە شوێن كەسی دیكەدا لە ئەگەری هەبونی كەسی زیاتر لەناو ئۆتۆمبێلەكەدا".

نیشانەکردن :

#هه‌رێمی‌ كوردستان

Copyright © 2016 Xendan.org all rights reserved

designed and developed by AVESTA GROUP