بەپەلە

رۆژئاڤا؛ تەقینەوەی ئۆتۆمبێلێك بوە هۆی گیانلەدەستدانی سێ منداڵ

- 8/7/2019 7:24:00 PM 1388 جار خوێندراوەتەوە

خەندان-

لە باكوری رۆژهەڵاتی سوریا، تەقینەوەی بۆمبێكی چێندراو لەناو ئۆتۆمبێلێكدا بوە هۆی گیانلەدەستدانی سێ منداڵ.

لە نزیك نوسینگەی پۆستە-ی یەكێك لە گوندەكانی ناوچەكانی باكوری رۆژهەڵاتی سوریا، كە لە ئێستادا لەژێر دەسەڵاتی شەڕڤانانی هێزەكانی سوریای دیموكرات (هەسەدە)دایە، بۆمبێكی چێندراو لەناو ئۆتۆمبیلێكدا تەقیەوە و بوە هۆی گیانلەدەستدانی سێ منداڵ".

بە مەبەستی بەئامانجگرتنی هێزەكانی شەڕڤانان بوە

عەلی حەسەن، وتەبێژی پۆلیسی ئەو ناوچەیە لەوبارەیەوە رایگەیاند "تەقینەوەكە كارێكی تێرۆریستی بوە و بە مەبەستی بەئامانجگرتنی ئۆتۆمبێلێكی سەربازی ئەو ئۆتۆمبێلە دانراوە".

لە چەند رۆژی رابردودا، زنجیرەیەك تەقینەوە لە ژمارەیەك شار و شارۆچكەكانی باكوری سوریا رویانداوە كە لەژێر دەسەڵاتی شەڕڤانانی هەسەدە و یەكینەكانی پاراستنی گەل (هەپەگە)دایە.

هاوكات دوێنێ سێشەممە، دو ماتۆڕ-ی بە بۆمب چێندراو لە شاری حەسەكە تەقینەوە و لە ئەنجامدا مێرمنداڵێكی تەمەن 15 ساڵان گیانیلەدەستدا.



Copyright © 2016 Xendan.org all rights reserved

designed and developed by AVESTA GROUP