43 کەس لە لیبیا بە بۆردومانی فڕۆكەیەكی بێفڕۆكەوان کوژران

- 8/6/2019 9:52:00 AM 2918 جار خوێندراوەتەوە

خەندان-

فڕۆكەیەكی بێفرۆكەوانی هێزە میلیشیاكان لە لیبیا شارێكی باشوری ئەو وڵاتەی بۆمباران كردوە و بەهۆیەوە 43 كەس كوژراون.
فڕۆكەیەكی بێفرۆكەوانی هێزە میلیشیاكانی رۆژهەڵات لە لیبیا شاری مورزوق- یان لە باشوری ئەو وڵاتەی بۆمباران كردوە 

 

بەپێی هەواڵێكی ئاژانسی رۆیتەرز، شەوی رابردو فڕۆكەیەكی بێفرۆكەوانی هێزە میلیشیاكانی رۆژهەڵات بە سەرۆكایەتی خەلیفە حەفتار، لەلیبیا شاری مورزوق- یان لە باشوری ئەو وڵاتەی بۆمباران كردوە و بەهۆیەوە 43 كەس كوژراون.

ئەوە دوەمین هێرشی ئاسمانی هێزەكانی سوپای نیشتیمانی لیبیایە بە سەرۆكایەتی خەلیفە حەفتار كە كۆمەڵكوژی لێدەكەوێتەوە، هێرشی یەكەمی ئەم هێزە لە مانگی حوزەیرانی رابردودا بو كە هێرشێكی ئاسمانی كردە سەر پەناگەیەكی پەنابەران و بەهۆیەوە 44 پەنابەری ئەو وڵاتە كوژران. 
هێزە نەیارەكانمان كردوەتە ئامانج و هیچ ناوچەیەكی مەدەنیمان نەكردوەتە ئامانج

 

هێزەكانی سوپای نیشتیمانی لیبیا راستی هێرشە ئاسمانییەكەیان پشتڕاستكردەوە و رایانگەیاند، هێزە نەیارەكانیان كردوەتە ئامانج، بەڵام رەتیانكردەوە هیچ ناوچەیەكی مەدەنییان كردبێتە ئامانج.
ئامانجمان كۆنتڕۆڵكردنی تەرابلوسی پایتەختە كە لەژێر دەستی حكومەتدایە

 

ئاماژەیان بەوەشکرد، ئامانجیان كۆنتڕۆڵكردنی تەرابلوسی پایتەختە كە لەژێر دەستی حكومەتە دانپیانراوەكەدایە، كە لەساڵی 2011ەوە ناكۆكی لەنێوانیاندا دروستبوە و توندوتیژی لێكەوتوەتەوە. 

لای خۆشییەوە حكومەتی لیبیا كە لەئاستی نێودەوڵەتیدا دانپیانراوە رایگەیاند، هێرشی ئاسمانی هێزە میلیشیاكەی خەلیفە حەفتار دەیان كوژراو برینداری لێكەوتوەتەوە. 


Copyright © 2016 Xendan.org all rights reserved

designed and developed by AVESTA GROUP