روداوێکی تەقەکردن لە ویلایەتی ئۆهایۆ لە ئەمریکا رویدا

- 8/4/2019 9:35:00 AM 2229 جار خوێندراوەتەوە

خەندان-

پاش روداوی تەقەکردنەکەی ئێل پاسۆی ویلایەتی تەکساس، بۆ دوەمین جار لەماوەی کەمتر لە 24 کاتژمێری رابردودا، روداوێکی دیکەی تەقەکردن لە ویلایەتی ئۆهایۆی ئەمریکا رویدا و بەهۆیەوە تا ئێستا شەش کەس کوژراون.

بەگوتە پۆلیس روداوەکە لە شاری دەیتنی ویلایەتی ئۆهایۆ رویداوە و تەقەکەرەکە بریندار کراوە، بەڵام دەنگۆی دەستگیرکردنی تا ئێستا نیە.

هاوکات، بەپێی تەلەفزیۆنی (WHIO) کە میدیایەکی ناوخۆیی ویلایەتی ئۆهایۆیە، خەڵکێکی زۆر تەقەی لێکراوەو لەئێستادا ئۆلیس وەڵامی تەقەکردنەکان دەدەنەوە و ئەفسەرێکی پۆلیسیش رایگەیاندوە تەقەکەرەکەیان پێکاوە، تیمەکانی فریاگوزاری خێرای تەندروستی گەشتونەتە شوێنی روداوەکە.

بەپێی دواین زانیارییەکانی پۆلیس، بەهۆی ئەو روداوەوە لانیکە 9 کەس کوژراون. 

ئەمە لەکاتێکدایە ئێوارەی دوێنێ شەممە لە شاری ئێل پاسۆی ویلایەتی تەکساسی ئەمریکا روداوێکی تەقەکردن رویدا و بەهۆیەوە 20 کەس کوژران و زیاتر لە 20ی دیکەش برینداربون.
روداوی تەقەکردن لەئەمریکا دیاردەیەکی بڵاوە و بەپێی زانیارییەکان تەنها لەمساڵدا زیاتر لە 32 هەزار روداوی تەقەکردن لەخەڵک لەئەمریکادا رویانداوە و بەهۆیەوە لانیکەم (8666) کەس کوژراون. 


نیشانەکردن :

#ئەمریکا

Copyright © 2016 Xendan.org all rights reserved

designed and developed by AVESTA GROUP