ژنێکی ئەمریکی بەهۆی لیکی سەگەکەیەوە هەرچوار پەلی لەدەستدا

- 8/3/2019 8:03:00 PM 88689 جار خوێندراوەتەوە

خەندان-

ژنێکی ئەمریکی، دوای ئەوەی سەگە ماڵیەکەی دەیلێسێتەوە توشی نەخۆشیەکی دەگمەن دەبێت و بەوهۆیەشەوە هەرچوار پەلی لەدەستدەدات.

سەرەتا پزیشکەکان پێیان وابو توشی نەخۆشیەکی سادە بوە لە گەشتەکەیدا

 

 

ماری ترینەر، دوای گەڕانەوەی لە گەشتەکەی هەست بە سەر ئێشەیەکی زۆر و سەرگێژخاوردنێکی زۆر دەکات، سەرەتا پزیشکەکان پێیان وابو توشی نەخۆشیەکی سادە بوە لە گەشتەکەیدا.

 دوای دە رۆژ لە بێهۆشی، کە بە ئاگا دێتەوە دەبینێت هەردو دەست و قاچەکانی لە نیوەدا بڕدراونەتەوە

 

دواجار بارودۆخی تەندروستی بەرەو ناجێگیربونیکی زیاتر رۆشتوە، ناچار بەپەلە رەوانەی نەخۆشخانە کراوە، دوای دە رۆژ لە بێهۆشی کە بە ئاگا دێتەوە دەبینێت هەردو دەست و قاچەکانی لە نیوەدا بڕدراونەتەوە.

 باری تەندروستی ناجێگیر بوە لە بارودۆخی شێتبوندا بوە

 

 

د. مارگارێت کۆب، ئەو پزیشکەی سەرپەرشتی نەشتەرگەریەکەی ترەینەری کردوە دەڵێت، کاتێک رەوانەی یەکەی چاودێری ورد کراوە، باری تەندروستی ناجێگیر بوە لە بارودۆخی" شێتبون"دا بوە.

دەرکەوتوە بەهۆی بەکتریای کاپنۆتیسۆفاگا توشی هەوکردن بوە

 

 

کۆب ئاماژەی بەوەشداوە، دوای ئەنجامدانی چەند پشکنینێک دەرکەوتوە بەهۆی بەکتریای کاپنۆتیسۆفاگا توشی هەوکردن بوە، بەکتریاکە تەشەنەی کردوە بۆ دەمو لوتی و ئەگەر فریای نەکەوتنایە دەیکوشت.

باکتریای کاپنۆتیسۆفاگا، باکتریایەکی کوشندەیە کە کار دەکاتە سەر سیستەمی بەرگری لەش

 

 

باکتریای کاپنۆتیسۆفاگا، باکتریایەکی کوشندەیە، لەناو لیکی سەگدا بونی هەیە و کار دەکاتە سەر سیستەمی بەرگری لەش و کەسەکە توشی هەوکردنێکی کوشندەی خێرا دەکات، بەپێی داتا پزیشکیەکان لە یەک ملیۆن کەسدا یەک کەس بەهۆی بەرکەوتنی راستەوخۆی ئەو بەکتریایە توشی ئەو هەوکردنە دەبێت.

لە گەشتەکەیدا سەگەکەی برینێکی کراوەی لێستوەتەوە

 

 

ماری ترەینەر بە پزیشکەکانی راگەیاندوە، لە گەشتەکەیدا سەگەکەی برینێکی کراوەی لێستوەتەوە، پزیشکەکان پێیان وایە بەهۆی ئەو برینە کراوەیەوە باکتریاکە بەناو خوێنیدا بڵاوبوەتەوە.



Copyright © 2016 Xendan.org all rights reserved

designed and developed by AVESTA GROUP