بە ڤیدیۆ.. فڕۆكەیەك لەسەر شەقامێكی پڕ لە ئۆتۆمبێلدا دەنیشێتەوە

- 8/2/2019 9:10:00 PM 88347 جار خوێندراوەتەوە

خەندان-

لە ویلایەتی واشنتن، لە رۆژئاوای ویلایەتە یەكگرتوەكانی ئەمریكا فڕۆكەیەكی بچوك لە ناوەڕاستی شەقامێكی پر لە ئۆتۆمبێلدا دەنیشێتەوە.

بەهۆی دروستبونی كێشەیەكی تەكنینكیەوە ناچاربوە بنیشێتەوە

پۆلیسی ویلایەتە یەكگرتوەكانی ئەمریكا رایگەیاند "بەهۆی دروستبونی كێشەیەكی تەكنینكی لە فڕۆكەیەكی بچوكدا، لە ناوەڕاستی شەقامی جوانا باتیست لە شاری پاركلاند فرۆكەكە لەناو ئۆتۆمبێلەكانی ئەو شەقامەدا نیشتوەتەوە".

هاوكات پۆلیسی پاركلاند لە هەژماری تایبەتی خۆی لە تۆڕی كۆمەڵایەتی تویتەر گرتە ڤیدیۆی نیشتنەوەی نائاسایی ئەو فڕۆكەیەی تۆماركردوە، كە بە شێوەیەكی نائاسایی لە ئاسمانەوە بەرەو ناوەڕاستی شەقامەكە دادەبەزێت.

سیستەمی سوتەمەنی تایبەت بە فڕۆكەكە كێشەی تێكەوتوە

بەپێی زانیاریەكان، لە سیستەمی سوتەمەنی تایبەت بە فڕۆكەكەدا كێشەیەك دروستبوە و بەوهۆیەوە فڕۆكەوانەكە ناچاربوە لە ناوەڕاستی شەقامەكەدا بە شێوەیكی نائاسایی بنیشێتەوە.

لەناو ئۆتۆمبێلەكاندا بی زیان و بەهێواشی كەوتوەتە سەر زەویەكە

نیشتنەوەی فڕۆكەكە لەو ناوچەیەدا بوەتە هۆی دروستبونی پەشێوی لەناو شۆفێری ئۆتۆمبیلەكاندا، فڕۆكەوانەكەش هەوڵیدا سود لە بۆشایی نێوان ئۆتۆمبێلەكان ببینێت، تا بێ زیان بنیشێتەوە و لە كۆتاییدا نزیك نیشانەكانی ترافیكی سەر شەقامەكە بە هێواشی كەوتە سەر زەویەكە.

 



Copyright © 2016 Xendan.org all rights reserved

designed and developed by AVESTA GROUP