بەپەلە

بریتانیا داوای چۆڵكردنی شارێك دەكات

- 8/1/2019 11:17:00 PM 19831 جار خوێندراوەتەوە

خەندان-

پۆلیسی بریتانیا داوا لە سەرجەم دانیشتوانی شارێكی ئەو وڵاتە دەكات، بەهۆی هەبونی مەترسی روخانی بەنداوێك شارەكەیان جێبهێڵن و روبكەنە خوێندنگەیەكی ناوخۆیی ئەو ناوچەیە.
مەترسی بۆ سەر ژیانی دانیشتوانەكەی هەیە

پۆلیسی ناوچەی دێربی شایر لە بریتانیا لە راگەیەندراوێكدا بڵاویكردەوە، "پێویستە سەرجەم دانیشتوانی شاری ویڵی بریدج خانوەكانیان چۆڵبكەن"، هۆكارەكەشی بۆ ئەوە گەڕاندەوە مەترسی لەسەر داڕمانی بەنداوێكی ئاوی ئەو ناوچەیە هەیە، كە مەترسی بۆ سەر ژیانی دانیشتوانەكەی هەیە.
ژمارەی دانیشتوانی ئەو شارە شەش هەزار و 500 كەسە

بەپێی زانیاریەكان، ژمارەی دانیشتوانی ئەو شارە شەش هەزار و 500 كەسە و شارەكەش دەكەوێت باكوری رۆژئاوای بریتانیا، پۆلیسیسش داوادەكات ئەو دانیشتوانە رو لە خوێندنەگەیەكی ناوخۆیی بكەن.

پۆلیسی ناوچەك لە راگەیەندراوەكەیدا لە هەژماری خۆی لە تۆڕی كۆمەڵایەتی تویتەر نوسیویەتی "ئەو بڕیارە بڕیارێكی ئاسان نیە و دەزانین كاریگەریەكی بەرچاوی هەیە لەسەر كۆمەڵگەكە، بەڵام دۆخێكی مەترسیدار لەئارادایە و پێویستە بە خێرایی مامەڵە بكەین".

دروستكردنی دیوارەكانی ئەو بەنداوە دەگەڕێتەوە بۆ سەدەی 19، كە لەسەر گەنجینەی ئاوی (تودبورك رێزێرڤۆ) بنیادنراوە و لەمداوییەدا بەهۆی بارانی بەلێزمەوە زیانی بەركەوتوە، ئەو بارانە بوە هۆی لافاوێكی بەهێز لە سەرجەم ناوچەكانی باكوری بریتانیا.


نیشانەکردن :

#به‌ریتانیا

Copyright © 2016 Xendan.org all rights reserved

designed and developed by AVESTA GROUP